這敢真正是彼个有名 ê 昴宿星團？昴宿星團上有名 ê 標誌是伊 ê 藍色恆星，這張圖是伊 ê 紅外線影像，伊週邊 ê 塗粉是比內底 ê 恆星閣較光。
你敢捌看過七姊妹仔星團？就算你捌看過，你可能嘛毋捌看過像這个遮爾大閣清楚--ê。
正爿頂懸藍色彼陣，是昴宿星團。伊嘛叫做七姊妹仔，抑是 M45，是天頂看會著 ê 開放星團 內底上光 ê。