這張縮時攝影圖內底，有 JWST 太空望遠鏡 tī 天星滿滿 ê 夜空咧行，這馬拄 ùi 獵戶座頭前行過。伊飛過月球了後，繼續 tùi 伊 ê 終點飛去。
天頂這兩个光巡，佗一个是彗星？雖罔講 in 看起來攏足成彗星 ê，毋閣較低彼粒才是真正 ê 彗星。
咱這馬閣有一台新 ê 太空望遠鏡矣！這台叫做 JWST 太空望遠鏡，伊毋若比 哈伯太空望遠鏡 ê 鏡面 大 5 倍以上，而且伊嘛比哈伯太空望遠鏡 提著 ê 紅外線波段影像閣較好。