逐家熟似 ê 貓眼星雲 tī 這張 hŏng 印象足深 ê 闊幅景色內底，其實是星雲中央較光彼區。
是啥物 tī 貓眼星雲邊仔產生這个無四常 ê 雲暈？無人知影。
Tī 3000 光年遠 ê 所在，有一粒欲死–去 ê 恆星 kā 伊 ê 發光氣體殼擲出去。
Tùi 一寡人來講這看起來敢若是貓咪 ê 目睭。毋閣其他人可能會感覺這是一粒 tī 宇宙 ê 大型海螺殼。伊實際上是一粒咱熟似 ê 行星形星雲。