地球

JWST 太空望遠鏡 當咧去 L2 點 ê 路-lih

這張縮時攝影圖內底,有 JWST 太空望遠鏡 tī 天星滿滿 ê 夜空咧行,這馬拄 ùi 獵戶座頭前行過。伊飛過月球了後,繼續 tùi 伊 ê 終點飛去。

青色爍光 ê 影片

逐家攏叫是講,這是一个神話。嘛有一寡人想講這是真 ê,毋閣毋知影這个現象是按怎來 ê。探險家若是看著是會足驕傲 ê。這其實是 ùi 太陽來 ê 青色爍光。

Sicily 島天頂 去予地光反照 ê 月娘

是按怎咱有法度看著規粒月娘?月娘 tī 月眉相彼陣,干焦一部份直接去予太陽照著。賰 ê 部份會發光,是因為地球光 ê 反照。這嘛叫做地光 抑是 da Vinci ê 光。

月-nā Lí-sà

這幅有創意 ê 視覺作品內底,攏是 tī 地球天頂看著 ê 月娘 ê 自然色。遮 ê 月盤攏是 tī 無仝時間翕好了後,才 kā in tī 畫框內底一格一格排予好勢。

你敢捌看過巨型爍爁噴流?伊實在是真罕得看著,毋閣伊 ê 能量足強 ê,是一款爍爁 ê 放電現象,是這世紀才予人發現記錄著 ê。

自旋地球 ê 秋分 kah 春分

地球這條暗暝 kah 日時交界 ê 線當時會變做坦徛 ê?To̍h 是今仔日啦!今仔日是地球 ê 秋分,是一冬內底日時 kah 暗暝差不多平長 ê 時陣。

露西亞天頂 ê 銀河 kah 火金蛄

這个構圖是欲翕一欉松柏 kah 背景 ê 銀河系中央帶。多彩 ê 恆星,背景 ê 光點,閣看會著倒爿面頂 足光 ê 牛郎星。

地球 kah 月球

這个上壯觀 ê 景色是差不多 tī 30 年前,彼陣欲去木星 ê 加利略太空船拄飛過咱 ê 行星系統。

Tī 太陽系內底落一粒球

這个動畫顯示 tī 太陽系 ê 天體面頂,假設無空氣阻力 ê 影響,若是有一粒球 ùi 表面 1 公里懸 ê 所在落-loài,會是按怎。

阿波羅 17 號:月眉形 ê 地球

Tī 這張使人讚嘆 ê 相片內底, 看會著咱美麗 ê 地球 tī 烏墨墨 ê 太空內底,反射太陽光,成做這个月眉形 ê 形影。

地球 ê 暗頭仔 kah 暝尾

Tī 咱 ê 地球面頂,有美麗 ê 海洋 kah 雲,並無突然出現 ê、日時變做暗暝 ê 明顯邊界。烏影線抑是明暗界線煞顛倒是霧霧 ê,才沓沓仔變做烏暗,to̍h 是咱知影 ê 暗頭仔。