哈伯太空望遠鏡
NGC 602：蚵仔星團
這个雲看起來 to̍h 親像一粒蚵仔，遮 ê 恆星 mā 敢若真珠仝款，毋閣 in 看起來敢若較遠 ê 款。
哈伯太空望遠鏡 kah 韋伯太空望遠鏡 翕 ê 大管薰星系
這個星系發生了一寡奇怪 ê 代誌，是按怎會按呢？
AM1054：星系相挵 會生出恆星
星系相挵 ê 時陣，會生出偌濟恆星？
Hoag 天體：會當講是完美 ê 圓箍仔星系
這是一个 抑是 兩个星系？這个問題出現 tī 1950 年，彼陣 ê 天文學家 Arthur Hoag 雄雄發現這个無四常 ê 銀河系外天體。
NGC 1566：韋伯 kah 哈伯 翕 ê 捲螺仔星系
這个西班牙舞者星系 (NGC 1566) 會使講是天頂上典型 kah 上食相 ê 捲螺仔星系之一。
哈伯太空望遠鏡 翕--ê 圓錐星雲
一陣恆星 tī 一个叫做 圓錐星雲 ê 大塗粉柱內底當咧形成。
鴟鴞星雲 內底 ê 恆星形成活動
恆星是 ùi 佗位生出來 ê？有一个恆星形成區叫做「EGGs」，to̍h tī 鴟鴞星雲 (M16) ê 氣體 kah 塗粉 組成 ê 大型雲柱 尾溜遐。
星際彗星 2I Borisov
2I/Borisov 彗星 是 ùi 銀河系某一个所在來 ê，伊這馬才拄來到咱 ê 太陽系。
棍螺仔星系 NGC 6217
足濟捲螺仔星系 ê 中央攏有棍仔形結構。咱 ê 銀河系嘛去予人認為講，伊有一个大細拄仔好 ê 中央棍仔。
共生變星 水瓶座 R 星
變星 水瓶座 R 星 實際上是一組雙星系統，這兩粒看起來是有密切 ê 共生關係。
哈伯影像：木星 kah 變細粒 ê 大紅斑
木星 ê 大紅斑會變做啥款？木星是目前咱知影太陽系內底有上大、上久風暴系統 ê 行星。
地球頭頂 ê JWST 太空望遠鏡
咱這馬閣有一台新 ê 太空望遠鏡矣！這台叫做 JWST 太空望遠鏡，伊毋若比 哈伯太空望遠鏡 ê 鏡面 大 5 倍以上，而且伊嘛比哈伯太空望遠鏡 提著 ê 紅外線波段影像閣較好。
HH 666 天體：龍骨座 ê 塗粉雲柱 kah 噴流
Tùi 一寡人來講，這看起來可能有成一个蜂岫。毋閣實際上，這張相片是哈伯太空望遠鏡翕 ê 宇宙塗粉柱。
飛馬座 LL ê 特別捲螺仔
是啥物產生 tī 倒爿頂懸彼个奇怪 ê 捲螺仔結構？無人知影。伊 ê 外層氣體去予噴--出來，實在是有成 tī 雙星系統 ê 行星形星雲時期。
Messier 101
大閣媠 ê 捲螺仔星系 M101 是 Messier 星表較後尾 ê 天體，毋過毋是上落尾彼个。伊有夠大 ê，有 1 萬 7 千 光年遐爾闊，差不多是咱銀河系 ê 二倍大。
超新星安魂曲：到今已經出現三擺 ê 超新星
咱已經看著這粒超新星三擺矣！毋知當時會看著第四擺？一粒遙遠 ê 恆星變做超新星爆炸了後，咱若是運勢袂䆀，to̍h 會看著伊一擺。
萬聖節 kah 鬼頭星雲
萬聖節 ê 起源 kah 天文有關，自古早時代 to̍h 開始矣。自西元前 5 世紀開始，萬聖節 to̍h 是用來慶祝換季彼工。毋閣用現代曆日來看，雖然萬聖節是後禮拜，真正 ê 換季日是閣後一禮拜。
Palomar 6：球形星團
這粒恆星大球是按怎來 ê？Palomar 6 是 咱銀河系留落來 ê 200 个球形星團 ê 其中一个。這款球形恆星球是比咱 ê 太陽閣較老，嘛比咱銀河系內底大部份恆星閣較老。
NGC 4676：雙鼠星系相碰 ê 時陣
這兩个巨型 ê 星系互相 kā 對方搝開。Kā 叫做「鳥鼠」是因為 in 攏有長長 ê 尾溜。是講兩个捲螺仔星系敢若已經互相迵過矣。
Rubin ê 星系
UGC 2885 kah 銀河系直徑 10 萬光年來比，差不多有 80 萬光年闊，有 1 兆粒恆星遐爾濟。差不多是銀河系內底恆星 ê 10 倍濟。
M16 ê 特寫
M16 嘛 叫做鴟鴞星雲，是一个干焦 2 百萬歲 ê 少年星團，邊仔去予塗粉 kah 發光氣體 ê 新生雲 圍--leh。
NGC 520：哈伯翕 ê 相碰星系
遮爾濟 ê 恆星、氣體、kah 塗粉 tī NGC 520 攪攪做伙，予人認為講，這內底應該是摻著兩个無仝 ê 盤形星系 ê 殘骸。
完美 ê 捲螺仔星系
M74 這个華麗 ê 正向星系，是一个有幾十億粒恆星 ê 島宇宙，離咱有 3200 萬光年遠，to̍h tī 雙魚座 ê 方向。
有光有聲 ê 哈伯深空視場
你敢捌聽過哈伯深空視場？毋管你捌抑是毋捌，你可能毋捌聽過這款 ê。請你 tī 這幅影像面頂徙動你 ê 滑鼠，來聽看覓 leh！
獵戶座星雲：哈伯影像
真少宇宙景色 kah 獵戶座星雲仝款，會當激發咱 ê 想像力。伊嘛叫做 M42。
Messier 99
這个有偉大設計 ê 捲螺仔星系 Mesier 99，ùi 真正 ê 宇宙尺度來看，實在是真壯觀。
袚鍊星雲 ê 噴流
是啥物天體會掛這个袚鍊星雲？較早 ê 分析表示，這條袚鍊是行星形星雲，是恆星行到伊性命上尾 ê 坎站噴出來 ê 氣體雲。
面紗星雲：恆星爆炸了後 ê 煙光
像這款煙光 tī 咱銀河內底 ê 恆星攏會當看著。差不多 tī 7000 年前，有一粒恆星演化變做超新星爆炸，賰 ê 殘骸 to̍h 是這个面紗星雲。
Tī 中央 ê 紅外線波段內海仔
Tī 這張影像內底，紅外線影像看會著滿滿滿 ê 恆星。Tī 中央 ê 內海仔星雲有 4 光年闊。可見光影像主要會當看著發光 ê 氣體 kah 烏暗 ê 塗粉雲。
Tī 紅外線 ê 鴟鴞星雲 ê 柱仔雲
新 ê 恆星 tī 鴟鴞星雲內底產生矣！Tī 實密 ê 氣體 kah 塗粉 ê 柱仔雲內底，重力收縮產生新 ê 恆星。
哈伯 hip--ê 捲螺仔星系 M66
看著老朋友 ê 新造型總是會感覺心適。這張遮爾媠 ê，用哈伯太空望遠鏡 hip--ê 厝邊 ê 捲螺仔星系 M66，to̍h 是按呢。