NGC 6072：韋伯太空望遠鏡翕 ê 足複雜 ê 行星狀星雲

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你³解說⁴。

• 原始文章：NGC 6072: A Complex Planetary Nebula from Webb
• 影像來源: NASA,ESA,CSA,STScI,JWST
• 台文翻譯：An-Li Tsai (TARA)

[漢羅] NGC 6072：Webb 太空望遠鏡翕--ê 足複雜 ê 行星形星雲

為啥物這个星雲遐爾複雜？ Webb 太空望遠鏡翕著一个 ùi 類太陽恆星 演化來 ê 星雲，而且翕甲足詳細 ê。 這个星雲就是 NGC 6072，咱已經知影伊是一个足特殊、足複雜 ê 行星形星雲。 這張相片是 tī 紅外線波段翕--ê，紅色是較冷 ê 水素氣體。 NGC 6072 以前 ê 影像表示講，這團亂糟糟 ê 氣體內底，可能有幾若个 噴流 kah 兩个氣體盤。 毋過 Webb 上新 ê 影像表示講，其中一个氣體盤 ê 邊仔，出現 tī 相片中心 ê 倒手爿。 一个較濟人信 ê 假說講，這个星雲會遮爾複雜，是因為中心附近 ê 多恆星系統內底，有一粒恆星發生幾若擺 ê 爆發。

[POJ] NGC 6072: Webb Thài-khong bōng-oán-kiàⁿ hip--ê chiok ho̍k-cha̍p ê Kiâⁿ-chhiⁿ-hêng Seng-hûn

Ūi-siáⁿ-mi̍h chit-ê seng-hûn hiah-nī ho̍k-cha̍p? Webb Thài-khong bōng-oán-kiàⁿ hip tio̍h chi̍t-ê ùi lūi-thài-iông hêng-chhiⁿ ián-hòa lâi ê seng-hûn, jî-chhiáⁿ hip kah chiok siông-sè--ê. Chit-ê seng-hûn to̍h-sī NGC 6072, lán í-keng chai-iáⁿ i sī chi̍t-ê chiok te̍k-sû, chiok ho̍k-cha̍p ê kiâⁿ-chhiⁿ-hêng seng-hûn. Chit-tiuⁿ siòng-phìⁿ sī tī âng-gōa-sòaⁿ pho-toāⁿ hip--ê, âng-sek sī khah léng ê chúi-sò͘ khì-thé. NGC 6072 í-chêng ê iáⁿ-siòng piáu-sī kóng, chit-thoân loān-chhau-chhau ê khì-thé lāi-té, khó-lêng ū kúi-ā-ê phùn-liû kah nn̄g-ê khì-thé-pôaⁿ. M̄-koh Webb siōng sin ê iáⁿ-siòng piáu-sī kóng, kî-tiong chi̍t-ê khì-thé-pôaⁿ ê piⁿ-á, chhut-hiān tī siòng-phìⁿ tiong-sim ê tò-chhiú-pêng. Chi̍t-ê khah chōe-lâng sìn ê ká-soat kóng, chit-ê seng-hûn ē chiah-nī ho̍k-cha̍p, sī in-ūi tiong-sim hū-kīn ê to-hêng-chhiⁿ hē-thóng lāi-té, ū chi̍t-lia̍p hêng-chhiⁿ hoat-seng kúi-ā-pái ê po̍k-hoat.

[KIP] NGC 6072: Webb Thài-khong bōng-uán-kiànn hip--ê tsiok ho̍k-tsa̍p ê Kiânn-tshinn-hîng Sing-hûn

Uī-siánn-mi̍h tsit-ê sing-hûn hiah-nī ho̍k-tsa̍p? Webb Thài-khong bōng-uán-kiànn hip tio̍h tsi̍t-ê uì luī-thài-iông hîng-tshinn ián-huà lâi ê sing-hûn, jî-tshiánn hip kah tsiok siông-sè--ê. Tsit-ê sing-hûn to̍h-sī NGC 6072, lán í-king tsai-iánn i sī tsi̍t-ê tsiok ti̍k-sû, tsiok ho̍k-tsa̍p ê kiânn-tshinn-hîng sing-hûn. Tsit-tiunn siòng-phìnn sī tī âng-guā-suànn pho-tuānn hip--ê, âng-sik sī khah líng ê tsuí-sòo khì-thé. NGC 6072 í-tsîng ê iánn-siòng piáu-sī kóng, tsit-thuân luān-tshau-tshau ê khì-thé lāi-té, khó-lîng ū kuí-ā-ê phùn-liû kah nn̄g-ê khì-thé-puânn. M̄-koh Webb siōng sin ê iánn-siòng piáu-sī kóng, kî-tiong tsi̍t-ê khì-thé-puânn ê pinn-á, tshut-hiān tī siòng-phìnn tiong-sim ê tò-tshiú-pîng. Tsi̍t-ê khah tsuē-lâng sìn ê ká-suat kóng, tsit-ê sing-hûn ē tsiah-nī ho̍k-tsa̍p, sī in-uī tiong-sim hū-kīn ê to-hîng-tshinn hē-thóng lāi-té, ū tsi̍t-lia̍p hîng-tshinn huat-sing kuí-ā-pái ê po̍k-huat.

[English] NGC 6072: A Complex Planetary Nebula from Webb

Why is this nebula so complex? The Webb Space Telescope has imaged a nebula in great detail that is thought to have emerged from a Sun-like star. NGC 6072 has been resolved into one of the more unusual and complex examples of planetary nebula. The featured image is in infrared light with the red color highlighting cool hydrogen gas. Study of previous images of NGC 6072 indicated several likely outflows and two disks inside the jumbled gas, while the new Webb image resolves new features likely including one disk's edge protruding on the central left. A leading origin hypothesis holds that the nebula's complexity is caused or enhanced by multiple outbursts from a star in a multi-star system near the center.

詞彙學習