APOD 今仔日就滿 30 歲矣!

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你³解說⁴。

• 原始文章：APOD is 30 Years Old Today
• 影像來源：Pixelization of Van Gogh's The Starry Night by Dario Giannobile
• 台文翻譯：An-Li Tsai (TARA)

[漢羅] APOD 今仔日就滿 30 歲矣!

APOD 今仔日就滿 30 歲矣! 為著欲慶祝 30 歲生日，今仔日 ê 這張相片，咱用過去 ê APOD 相片來鬥做一張圖。 這張圖可能會予你想著 彼幅上出名、嘛予人上感動 ê 夜空藝術作品。 實際上，這幅「星夜」圖有 1836 張獨立 ê 相片。 這寡相片攏是過去 5 冬來，投稿予 APOD ê 作品。 In 加加有 3 萬 2232 張圖，就親像是 kā 遮爾濟塊 thài-lù 鬥做一幅圖仝款。 今仔日，APOD 誠心感謝咱所有投稿 ê 人、志工，kah 讀者。 佇過去這 30 冬，因為有恁，咱才會當做伙享受、認捌這个宇宙。

[POJ] APOD kin-á-ji̍t tō móa 30 hòe--ah!

APOD kin-á-ji̍t tō móa 30 hòe--ah! Ūi tio̍h-beh khèng-chiok 30 hòe seⁿ-ji̍t, kin-á-ji̍t ê chit-tiuⁿ siòng-phìⁿ, lán iōng kòe-khì ê APOD siòng-phìⁿ lâi tàu-chò chi̍t-tiuⁿ tô͘. Chit-tiuⁿ tô͘ khó-lêng ē hō͘ lí siūⁿ-tio̍h hit pak siōng chhut-miâ, mā hō͘ lâng siōng kám-tōng ê iā-khong gē-su̍t chok-phín. Si̍t-chè-siōng, chit pak "Seng-iā" tô͘ ū 1836 tiuⁿ to̍k-li̍p ê siòng-phìⁿ. Chit kóa siòng-phìⁿ lóng sī kòe-khì 5 tang lâi, tâu-kó hō͘ APOD ê chok-phín. In ke-ke ū 3 bān 2232 tiuⁿ tô͘, tō chhin-chhiūⁿ sī kā chiah-nī chē tè thài-lù tàu-chò chi̍t pak tô͘ kāng-khoán. Kin-á-ji̍t, APOD sêng-sim kám-siā lán só͘-ū tâu-kó ê lâng, chì-kang, kah tho̍k-chiá. Tī kòe-khì che 30 tang, in-ūi ū lín, lán chiah ē-tàng chò-hóe hiáng-siū, jīn-bat chit-ê ú-tiū.

[KIP] APOD kin-á-ji̍t tō muá 30 huè--ah!

APOD kin-á-ji̍t tō muá 30 huè--ah! Uī tio̍h-beh khìng-tsiok 30 huè senn-ji̍t, kin-á-ji̍t ê tsit-tiunn siòng-phìnn, lán iōng kuè-khì ê APOD siòng-phìnn lâi tàu-tsò tsi̍t-tiunn tôo. Tsit-tiunn tôo khó-lîng ē hōo lí siūnn-tio̍h hit pak siōng tshut-miâ, mā hōo lâng siōng kám-tōng ê iā-khong gē-su̍t tsok-phín. Si̍t-tsè-siōng, tsit pak "Sing-iā" tôo ū 1836 tiunn to̍k-li̍p ê siòng-phìnn. Tsit kuá siòng-phìnn lóng sī kuè-khì 5 tang lâi, tâu-kó hōo APOD ê tsok-phín. In ke-ke ū 3 bān 2232 tiunn tôo, tō tshin-tshiūnn sī kā tsiah-nī tsē tè thài-lù tàu-tsò tsi̍t pak tôo kāng-khuán. Kin-á-ji̍t, APOD sîng-sim kám-siā lán sóo-ū tâu-kó ê lâng, tsì-kang, kah tho̍k-tsiá. Tī kuè-khì tse 30 tang, in-uī ū lín, lán tsiah ē-tàng tsò-hué hiáng-siū, jīn-bat tsit-ê ú-tiū.

[English] APOD is 30 Years Old Today

APOD is 30 years old today. In celebration, today's picture uses past APODs as tiles arranged to create a single pixelated image that might remind you of one of the most well-known and evocative depictions of planet Earth's night sky. In fact, this Starry Night consists of 1,836 individual images contributed to APOD over the last 5 years in a mosaic of 32,232 tiles. Today, APOD would like to offer a sincere thank you to our contributors, volunteers, and readers. Over the last 30 years your continuing efforts have allowed us to enjoy, inspire, and share a discovery of the cosmos.

詞彙學習