細粒行星 ê 寒天 佮 熱天

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你³解說⁴。

• 原始文章：Winter and Summer on a Little Planet
• 影像來源 kah 版權：Camille Niel
• 台文翻譯：An-Li Tsai (TARA)

[漢羅] 細粒行星 ê 寒天 佮 熱天

寒天 佮 熱天看起來敢若是出現 tī 這粒細粒行星 ê 仝一个暗暝 ê 款。 這粒行星其實是地球啦！ 這是 數位合成 ê 全景圖，360 度 乘 180 度 ê 大細，是 kā 1 月 kah 7 月 tī 法國 Alps 山脈 Col du Galibier 翕--ê 相片 組合起來--ê。 下底是北半球 ê 寒天，後壁是 熱天 ê 銀河，背景是恆星 kah 星雲。 銀河 tī 相片內底，變做是一條拗彎 ê 地平線。

[POJ] Sè-lia̍p kiâⁿ-chheⁿ ê kôaⁿ-thiⁿ kah joa̍h-thiⁿ

Kôaⁿ-thiⁿ kah joa̍h-thiⁿ khòaⁿ--khí-lâi káⁿ-ná sī chhut-hiān tī chit lia̍p sè-lia̍p hêng-chheⁿ ê kāng chi̍t-ê àm-mê ê khoán. Chit lia̍p kiâⁿ-chheⁿ kî-si̍t sī Tē-kiû lah! Che-sī sò͘-ūi ha̍p-sêng ê choân-kéng-tô͘, 360 tō͘ sêng 180 tō͘ ê tōa-sè, sī kā 1 goe̍h kah 7 goe̍h tī Hoat-kok Alps soaⁿ-me̍h Col du Galibier hip--ê siòng-phìⁿ cho͘-ha̍p--khí-lâi--ê. Ē-té sī pak-pòaⁿ-kiû ê kôaⁿ-thiⁿ, āu-piah sī joa̍h-thiⁿ ê gîn-hô, pōe-kéng sī hêng-chheⁿ kah seng-hûn. Gîn-hô tī siòng-phìⁿ lāi-té, piàn-chò sī chi̍t tiâu áu-oan ê tē-pêng-sòaⁿ.

[KIP] Sè-lia̍p kiânn-tshenn ê kuânn-thinn kah jua̍h-thinn

Kuânn-thinn kah jua̍h-thinn khuànn--khí-lâi kánn-ná sī tshut-hiān tī tsit lia̍p sè-lia̍p hîng-tshenn ê kāng tsi̍t-ê àm-mê ê khuán. Tsit lia̍p kiâⁿ-tshenn kî-si̍t sī Tē-kiû lah! Tse-sī sòo-uī ha̍p-sîng ê tsuân-kíng-tôo, 360 tōo sîng 180 tōo ê tuā-sè, sī kā 1 gue̍h kah 7 gue̍h tī Huat-kok Alps suann-me̍h Col du Galibier hip--ê siòng-phìnn tsoo-ha̍p--khí-lâi--ê. Ē-té sī pak-puànn-kiû ê kuânn-thinn, āu-piah sī jua̍h-thinn ê gîn-hô, puē-kíng sī hîng-tshenn kah sing-hûn. Gîn-hô tī siòng-phìnn lāi-té, piàn-tsò sī tsi̍t tiâu áu-uan ê tē-pîng-suànn.

[English] Winter and Summer on a Little Planet

Winter and summer appear to come on a single night to this stunning little planet. It's planet Earth of course. The digitally mapped, nadir centered panorama covers 360x180 degrees and is composed of frames recorded during January and July from the Col du Galibier in the French Alps. Stars and nebulae of the northern winter (bottom) and summer Milky Way form the complete arcs traversing the rugged, curved horizon. Cars driving along on the road during a summer night illuminate the 2,642 meter high mountain pass, but snow makes access difficult during winter months except by serious ski touring. Cycling fans will recognize the Col du Galibier as one of the most famous climbs in planet Earth's Tour de France.

詞彙學習