雙魚座 內底 ê 雲殼星系

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Shell Galaxies in Pisces
• 影像來源 kah 版權：George Williams
• 台文翻譯：An-Li Tsai (TARA)

[漢羅] 雙魚座 內底 ê 雲殼星系

這張 美麗 ê 星際景色 Arp 227 是 1996 年 ê「特殊星系圖集」內底 ê 一个特別 ê 星系系統。 這个系統 tī 雙魚座方向 1 億光年遠 ê 所在。 相片中央倚 倒反頂懸 ê Arp 227 其實是 2 个星系，雲殼星系 NGC 474 kah 伊附近 ê 捲螺仔星系 NGC 470。 NGC 474 有 顯目 ê 雲殼 kah 恆星流，應該是 10 億年前 kah 另外一个較細 ê 星系相倚 ê 時陣，受著潮汐力 ê 影響造成--ê。 正爿下底 ê 大粒星系 NGC 467 嘛有 雲殼 kah 恆星流，表示講這應該嘛是另外一个 合併星系系統。 視野內底閣有足濟美麗 ê 背景星系，前景是 銀河系 內底 ê 天星。 這張望遠鏡景色有 25 角分，差不多佔 天頂 ê 一半。

[POJ] Siang-hî-tsō lāi-té ê Hûn-khak Sing-hē

Tsit-tiunn bí-lē ê sing-tsè kíng-sik Arp 227 sī 1996 nî ê "Ti̍k-sû Sing-hē Tôo-tsi̍p" lāi-té ê tsi̍t-ê ti̍k-pa̍t ê sing-hē hē-thóng. Tsit-ê hē-thóng tī Siang-hî-tsō hong-hiòng 1 ik kng-nî hn̄g ê sóo-tsāi. Siòng-phìnn tiong-ng uá tò-píng tíng-kuân ê Arp 227 kî-si̍t sī 2 ê sing-hē, Hûn-khak Sing-hē NGC 474 kah i hù-kīn ê kńg-lê-á sing-hē NGC 470. NGC 474 ū hiánn-ba̍k ê hûn-khak kah hîng-tshenn-liû, ing-kai sī 10 ik nî tsîng kah līng-guā tsi̍t-ê khah sè ê sing-hē sio-uá ê sî-tsūn, siū-tio̍h tiau-si̍k-li̍k ê íng-hióng tsō-sîng--ê. Tsiànn-pîng ē-té ê tuā-lia̍p sing-hē NGC 467 mā ū hûn-khak kah hîng-tshenn-liû, piáu-sī kóng-tse ing-kai mā-sī līng-guā tsi̍t-ê ha̍p-pìng sing-hē hē-thóng. Sī-iá lāi-té koh-ū tsiok tsē bí-lē ê puē-kíng sing-hē, tsiân-kíng sī Gîn-hô-hē lāi-té ê thinn-tshenn. Tsit-tiunn bōng-uán-kiànn kíng-sik ū 25 kak-hun, tsha-put-to tsiàm thinn-tíng ê tsi̍t-puànn.

[KIP] Siang-hî-tsō lāi-té ê Hûn-khak Sing-hē

Tsit-tiunn bí-lē ê sing-tsè kíng-sik Arp 227 sī 1996 nî ê "Ti̍k-sû Sing-hē Tôo-tsi̍p" lāi-té ê tsi̍t-ê ti̍k-pa̍t ê sing-hē hē-thóng. Tsit-ê hē-thóng tī Siang-hî-tsō hong-hiòng 1 ik kng-nî hn̄g ê sóo-tsāi. Siòng-phìnn tiong-ng uá tò-píng tíng-kuân ê Arp 227 kî-si̍t sī 2 ê sing-hē, Hûn-khak Sing-hē NGC 474 kah i hù-kīn ê kńg-lê-á sing-hē NGC 470. NGC 474 ū hiánn-ba̍k ê hûn-khak kah hîng-tshenn-liû, ing-kai sī 10 ik nî tsîng kah līng-guā tsi̍t-ê khah sè ê sing-hē sio-uá ê sî-tsūn, siū-tio̍h tiau-si̍k-li̍k ê íng-hióng tsō-sîng--ê. Tsiànn-pîng ē-té ê tuā-lia̍p sing-hē NGC 467 mā ū hûn-khak kah hîng-tshenn-liû, piáu-sī kóng-tse ing-kai mā-sī līng-guā tsi̍t-ê ha̍p-pìng sing-hē hē-thóng. Sī-iá lāi-té koh-ū tsiok tsē bí-lē ê puē-kíng sing-hē, tsiân-kíng sī Gîn-hô-hē lāi-té ê thinn-tshenn. Tsit-tiunn bōng-uán-kiànn kíng-sik ū 25 kak-hun, tsha-put-to tsiàm thinn-tíng ê tsi̍t-puànn.

[English] Shell Galaxies in Pisces

This spectacular intergalactic skyscape features Arp 227, a curious system of galaxies from the 1966 Atlas of Peculiar Galaxies. Some 100 million light-years distant within the boundaries of the constellation Pisces, Arp 227 consists of the two galaxies prominent above and left of center, the shell galaxy NGC 474 and its blue, spiral-armed neighbor NGC 470. The readily apparent shells and star streams of NGC 474 are likely tidal features originating from the accretion of another smaller galaxy during close gravitational encounters that began over a billion years ago. The large galaxy on the bottom righthand side of the deep image, NGC 467, appears to be surrounded by faint shells and streams too, evidence of another merging galaxy system. Intriguing background galaxies are scattered around the field that also includes spiky foreground stars. Of course, those stars lie well within our own Milky Way Galaxy. The telescopic field of view spans 25 arc minutes or just under 1/2 degree on the sky.

詞彙學習