SOHO 太陽太空船 翕--ê 五粒彗星相片

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Five Bright Comets from SOHO
• 組合影像來源：Tunc Tezel (TWAN)
• 台文翻譯：An-Li Tsai (NSYSU)

[漢羅] SOHO 太陽太空船 翕--ê 五粒彗星相片

這張影像內底有 5 粒彗星排做伙做比較。 這是長歲壽 ê SOHO 太陽太空船 頂懸 ê 日冕儀 翕--ê。 這 5 粒是照時間順序排--ê，咱會利用 in ê 彗尾 來認彗星。 每一粒彗星 ê 彗尾，攏是 ùi 視野中心 離開 太陽。 毋過上光 ê 太陽去予日冕儀 ê 閘光盤 閘咧。 逐粒彗星 對 地球頂懸 ê 觀星者來講，攏是足難忘--ê。 倒爿頂懸彼粒，是 McNaught 彗星，是 21 世紀上光 ê 彗星。 C/2023 A3 紫金山-ATLAS 彗星 這馬來到近日點，你會當看著 中央下底 ê 太陽活動足強--ê，所以這粒彗星 吸引足濟人 來看彗星。 到 2024 年 10 月底，影像內底空白 ê 第 6 位可能會囥 彗星 C/2024 S1 (ATLAS)。 ... 毋過嘛有可能毋是。

[POJ] SOHO Thài-iông Thài-khong-chûn hip--ê Gō͘ lia̍p Hūi-chheⁿ Siòng-phìⁿ

Chit-tiuⁿ iáⁿ-siōng lāi-té ū 5 lia̍p hūi-chheⁿ pâi chò-hóe chò pí-kàu. Che-sī tn̂g-hòe-siū ê SOHO Thài-iông Thài-khong-chûn téng-koân ê ji̍t-bián-gî hip--ê. Che 5 lia̍p sī chiàu sî-kan sūn-sī pâi--ê, lán ē lī-iōng in ê hūi-bóe lâi jīn hūi-chheⁿ. Múi chi̍t-lia̍p hūi-chheⁿ ê hūi-bóe, lóng sī ùi sī-iá tiong-sim lī-khui Thài-iông. M̄-koh siōng kng ê Thài-iông khì hō͘ ji̍t-bián-gî ê cha̍h-kng-pôaⁿ cha̍h leh. Ta̍k lia̍p hūi-chheⁿ tùi Tē-kiû téng-koân ê koan-seng-chiá lâi-kóng, lóng sī chiok lân-bōng--ê. Tò-pêng téng-koân hit lia̍p, sī McNaught hūi-chheⁿ, sī 21 sè-kí siōng kng ê hūi-chheⁿ. C/2023 A3 Chí-kim-soaⁿ ATLAS hūi-chheⁿ chit-má lâi-kàu kīn-ji̍t-tiám, lí ē-tàng khòaⁿ-tio̍h tiong-iong ē-té ê Thài-iông oa̍h-tāng chiok kiông--ê, só͘-í chit lia̍p hūi-chheⁿ khip-ín chiok chē lâng lâi khòaⁿ hūi-chheⁿ. Kàu 2024 nî 10 goe̍h-té, iáⁿ-siōng lāi-té khàng-pe̍h ê tē 6 ūi khó-lêng ē khǹg hūi-chheⁿ C/2024 S1 (ATLAS). ... M̄-koh mā ū khó-lêng m̄-sī.

[KIP] SOHO Thài-iông Thài-khong-tsûn hip--ê Gōo lia̍p Huī-tshenn Siòng-phìnn

Tsit-tiunn iánn-siōng lāi-té ū 5 lia̍p huī-tshenn pâi tsò-hué tsò pí-kàu. Tse-sī tn̂g-huè-siū ê SOHO Thài-iông Thài-khong-tsûn tíng-kuân ê ji̍t-bián-gî hip--ê. Tse 5 lia̍p sī tsiàu sî-kan sūn-sī pâi--ê, lán ē lī-iōng in ê huī-bué lâi jīn huī-tshenn. Muí tsi̍t-lia̍p huī-tshenn ê huī-bué, lóng sī uì sī-iá tiong-sim lī-khui Thài-iông. M̄-koh siōng kng ê Thài-iông khì hōo ji̍t-bián-gî ê tsa̍h-kng-puânn tsa̍h leh. Ta̍k lia̍p huī-tshenn tuì Tē-kiû tíng-kuân ê kuan-sing-tsiá lâi-kóng, lóng sī tsiok lân-bōng--ê. Tò-pîng tíng-kuân hit lia̍p, sī McNaught huī-tshenn, sī 21 sè-kí siōng kng ê huī-tshenn. C/2023 A3 Tsí-kim-suann ATLAS huī-tshenn tsit-má lâi-kàu kīn-ji̍t-tiám, lí ē-tàng khuànn-tio̍h tiong-iong ē-té ê Thài-iông ua̍h-tāng tsiok kiông--ê, sóo-í tsit lia̍p huī-tshenn khip-ín tsiok tsē lâng lâi khuànn huī-tshenn. Kàu 2024 nî 10 gue̍h-té, iánn-siōng lāi-té khàng-pe̍h ê tē 6 uī khó-lîng ē khǹg huī-tshenn C/2024 S1 (ATLAS). ... M̄-koh mā ū khó-lîng m̄-sī.

[English] Five Bright Comets from SOHO

Five bright comets are compared in these panels, recorded by a coronograph on board the long-lived, sun-staring SOHO spacecraft. Arranged chronologically all are recognizable by their tails streaming away from the Sun at the center of each field of view, where a direct view of the overwhelmingly bright Sun is blocked by the coronagraph's occulting disk. Each comet was memorable for earthbound skygazers, starting at top left with Comet McNaught, the 21st century's brightest comet (so far). C/2023 A3 Tsuchinshan-ATLAS, following its perihelion with the active Sun at bottom center, has most recently grabbed the attention of comet watchers around the globe. By the end of October 2024, the blank 6th panel may be filled with bright sungrazer comet C/2024 S1 (ATLAS). ...or not.

詞彙學習