BepiColombo 太空船 翕--ê 水星隕石坑 Vivaldi

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Mercury's Vivaldi Crater from BepiColombo
• 影像來源：ESA, JAXA, BepiColombo, MTM
• 台文翻譯：An-Li Tsai (NSYSU)

[漢羅] BepiColombo 太空船 翕--ê 水星隕石坑 Vivaldi

是按怎水星頂懸這窟大窟隕石坑有兩輾，而且坑底會遮爾平？ 無人知影。 這个奇怪 ê 地形叫做 Vivaldi 隕石坑，有 215 公里闊。 相片是 ESA kah JAXA 合作 ê 機器人太空船 BepiColombo tī 這個月初飛過水星附近 ê 時陣，閣翕 ê 詳細影像。 像這款 tī 岩石行星 kah 衛星頂懸 ê 大型圓箍仔形結構，一般講來攏是去予 細粒小行星抑是彗星角 挵、抑是 火山爆發 造成--ê。 像 Vivaldi 這款 隕石坑，可能 兩款攏捌發生過。 可能是先去予太空石頭挵一大窟了後，引起水星內部 ê 熔岩流出來，內底輾才產生這款遮爾平 ê 地形。 雙環隕石坑 真罕得看著。 形成內環 ê 原因，到今猶是一个 研究主題。 BepiColombo 太空船 利用 重力輔助系統 降速 飛過 水星，這是為著欲 tī 2026 年 飛到 太陽系 上內底行星 ê 軌道做準備。

[POJ] BepiColombo Thài-khong-tsûn hip--ê Tsuí-tshenn ún-si̍k-khenn Vivaldi

Sī-án-tsuánn Tsuí-tshenn tíng-kuân tsit khut tuā-khut ún-si̍k-khenn ū nn̄g liàn, jî-tshiánn khenn-té ē tsiah-nī pênn? Bô-lâng tsai-iánn. Tsit-ê kî-kuài ê tē-hîng kiò-tsò Vivaldi ún-si̍k-khenn, ū 215 kong-lí khuah. Siòng-phìnn sī ESA kah JAXA ha̍p-tsok ê ke-khì-lâng thài-khong-tsûn BepiColombo tī tsit kò gue̍h-tshe pue kuè Tsuí-tshenn hù-kīn ê sî-tsūn, koh hip ê siông-sè iánn-siōng. Siōng tsit-khuán tī gâm-tsio̍h kiânn-tshenn kah uē-tshenn tíng-kuân ê tuā-hîng înn-khoo-á-hîng kiat-kòo, it-puann kóng-lâi lóng sī khì hōo sè-lia̍p sió-kiânn-tshenn ia̍h-sī huī-tshenn-kak lòng, ia̍h-sī hué-suann po̍k-huat tsō-sîng--ê. Tshiūnn Vivaldi tsit-khuán ún-si̍k-khenn, khó-lîng nn̄g khuán lóng bat huat-sing kuè. Khó-lîng sī sing-khì hōo thài-khong tsio̍h-thâu lòng tsi̍t tuā-khut liáu-āu, ín-khí Tsuí-tshenn luē-pōo ê iûnn-giâm lâu tshut-lâi, lāi-té liàn tsiah sán-sing tsit-khuán tsiah-nī pênn ê tē-hîng. Siang-khuân ún-si̍k-khenn tsin hán-tit khuànn--tio̍h. hîng-sîng lāi-khuân ê guân-in, kàu-tann iáu-sī tsi̍t-ê gián-kiù tsú-tê. BepiColombo thài-khong-tsûn lī-iōng tāng-li̍k hú-tsōo hē-thóng kàng sok pue kuè Tsuí-tshenn, tse-sī uī tio̍h beh tī 2026 nî pue-kàu Thài-iông-hē siōng lāi-té kiânn-tshenn ê kuí-tō tsò tsún-pī.

[KIP] BepiColombo Thài-khong-tsûn hip--ê Tsuí-tshenn ún-si̍k-khenn Vivaldi

Sī-án-tsuánn Tsuí-tshenn tíng-kuân tsit khut tuā-khut ún-si̍k-khenn ū nn̄g liàn, jî-tshiánn khenn-té ē tsiah-nī pênn? Bô-lâng tsai-iánn. Tsit-ê kî-kuài ê tē-hîng kiò-tsò Vivaldi ún-si̍k-khenn, ū 215 kong-lí khuah. Siòng-phìnn sī ESA kah JAXA ha̍p-tsok ê ke-khì-lâng thài-khong-tsûn BepiColombo tī tsit kò gue̍h-tshe pue kuè Tsuí-tshenn hù-kīn ê sî-tsūn, koh hip ê siông-sè iánn-siōng. Siōng tsit-khuán tī gâm-tsio̍h kiânn-tshenn kah uē-tshenn tíng-kuân ê tuā-hîng înn-khoo-á-hîng kiat-kòo, it-puann kóng-lâi lóng sī khì hōo sè-lia̍p sió-kiânn-tshenn ia̍h-sī huī-tshenn-kak lòng, ia̍h-sī hué-suann po̍k-huat tsō-sîng--ê. Tshiūnn Vivaldi tsit-khuán ún-si̍k-khenn, khó-lîng nn̄g khuán lóng bat huat-sing kuè. Khó-lîng sī sing-khì hōo thài-khong tsio̍h-thâu lòng tsi̍t tuā-khut liáu-āu, ín-khí Tsuí-tshenn luē-pōo ê iûnn-giâm lâu tshut-lâi, lāi-té liàn tsiah sán-sing tsit-khuán tsiah-nī pênn ê tē-hîng. Siang-khuân ún-si̍k-khenn tsin hán-tit khuànn--tio̍h. hîng-sîng lāi-khuân ê guân-in, kàu-tann iáu-sī tsi̍t-ê gián-kiù tsú-tê. BepiColombo thài-khong-tsûn lī-iōng tāng-li̍k hú-tsōo hē-thóng kàng sok pue kuè Tsuí-tshenn, tse-sī uī tio̍h beh tī 2026 nî pue-kàu Thài-iông-hē siōng lāi-té kiânn-tshenn ê kuí-tō tsò tsún-pī.

[English] Mercury's Vivaldi Crater from BepiColombo

Why does this large crater on Mercury have two rings and a smooth floor? No one is sure. The unusual feature called Vivaldi Crater spans 215 kilometers and was imaged again in great detail by ESA's and JAXA's robotic BepiColombo spacecraft on a flyby earlier this month. A large circular feature on a rocky planet or moon is usually caused by either an impact by a small asteroid or a comet fragment, or a volcanic eruption. In the case of Vivaldi, it is possible that both occurred -- a heavy strike that caused a smooth internal lava flow. Double-ringed craters are rare, and the cause of the inner rings remains a topic of research. The speed-slowing gravity-assisted flyby of Mercury by BepiColombo was in preparation for the spacecraft entering orbit around the Solar System's innermost planet in 2026.

詞彙學習