Arp 142：Webb 翕--ê 交互作用星系

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Arp 142: Interacting Galaxies from Webb
• 影像來源：NASA, ESA, CSA, STScI; Hubble Rollover 重新處理 kah 版權：Raul Villaverde
• 探索你 ê 宇宙：Random APOD Generator
• 台文翻譯：An-Li Tsai (NSYSU)

[漢羅] Arp 142：Webb 翕--ê 交互作用星系

對一寡人來講，這看起來敢若是一隻徛鵝。 毋過對研究宇宙 ê 人來講，這是 2 个大粒星系產生交互作用 ê 一个足趣味 ê 例。 幾若億年前，面頂 ê NGC 2936 可能是一个普通 ê 捲螺仔星系。 會自轉、會做新 ê 恆星，攏咧無閒伊家己 ê 代誌。 伊 kah 大質量 長株圓星系 NGC 2937 行傷倚了後，煞沉落去。 In 兩个做伙去予人叫做 Arp 142。 這張 相片是 新 ê Webb 紅外線 影像，另外閣有 Hubble 可見光 影像 做比較。 NGC 2936 受著引力 ê 影響，去 hŏng 拗彎 變形。 大質量星系 互相 倚近 ê 時陣，氣體 會 堅凍，才有通形成 新 ê 恆星。 相片正爿頂懸 有 一陣少年恆星，看起來就敢若是 徛鵝 ê 鼻。 捲螺仔星系 中心 光爍爍 ê 恆星，看起來就敢若是伊 ê 目睭。 這兩个星系可能是 tī 十億年前 合併做一个 較大 ê 星系。

[POJ]

[KIP] Arp 142: Webb hip--ê Kau-hōo-tsok-iōng Sing-hē

Tuì tsi̍t kuá-jîn lâi-kóng, tse khuànn--khí-lâi kánn ná-sī tsi̍t tsiah khiā-gô. M̄-koh tuì gián-kiù ú-tiū ê lâng lâi-kóng, tse-sī 2 ê tuā-lia̍p sing-hē sán-sing kau-hōo-tsok-iōng ê tsi̍t-ê tsiok tshù-bī ê lē. Kuí-nā ik nî-tsîng, bīn-tíng ê NGC 2936 khó-lîng sī tsi̍t-ê phóo-thong ê kńg-lê-á sing-hē. Ē tsū-chuán, ē tsò sin ê hîng-tshinn, lóng leh bô-îng i ka-kī ê tāi-tsì. I kah tuā tsit-liōng tn̂g-tu-înn sing-hē NGC 2937 kiânn siunn uá liáu-āu, suah tîm lo̍h-khì. In nn̄g-ê tsò-hué khì hōo lâng kiò-tsò Arp 142. Tsit-tiunn siòng-phìnn sī sin ê Webb âng-guā-suànn iánn-siōng, līng-guā koh-ū Hubble khó-kìan-kng iánn-siōng tsò pí-kàu. NGC 2936 siū-tio̍h ín-li̍k ê íng-hióng, khì hőng áu-uan piàn-hîng. Tuā tsit-liōng sing-hē hōo-siong uá-kīn ê sî-tsūn, khì-thé ē kian-tàng, tsiah ū-thang hîng-sîng sin ê hîng-tshinn. Siòng-phìnn tsiànn-pîng tíng-kuân ū tsi̍t-tīn siàu-liân hîng-tshinn, khuànn--khí-lâi to̍h kánn-ná sī khiā-gô ê phīnn. Kńg-lê-á sing-hē tiong-sim kng-sih-sih ê hîng-tshinn, khuànn--khí-lâi to̍h kánn-ná sī i ê ba̍k-tsiu. Tsit nn̄g-ê sing-hē khó-lîng sī tī tsa̍p-ik nî-tsîng ha̍p-pìng tsò tsi̍t-ê khah tuā ê sing-hē.

[English] Arp 142: Interacting Galaxies from Webb

To some, it looks like a penguin. But to people who study the universe, it is an interesting example of two big galaxies interacting. Just a few hundred million years ago, the upper NGC 2936 was likely a normal spiral galaxy: spinning, creating stars, and minding its own business. Then it got too close to the massive elliptical galaxy NGC 2937, below, and took a dive. Together known as Arp 142, they are featured in this new Webb infrared image, while a visible light Hubble image appears in comparison. NGC 2936 is not only being deflected, but distorted, by this close gravitational interaction. When massive galaxies pass near each other, gas is typically condensed from which new stars form. A young group of stars appears as the nose of the penguin toward the right of the upper galaxy, while in the center of the spiral, bright stars together appear as an eye. Before a billion years, the two galaxies will likely merge into one larger galaxy.

詞彙學習