仝色錯覺

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：The Same Color Illusion
• 影像來源：Edward H. Adelson, Wikipedia
• 2023 年 ê APOD 回顧：RJN’s Night Sky Network Lecture
• 台文翻譯：An-Li Tsai (NSYSU)

[漢羅] 仝色錯覺

格仔 A kah 格仔 B 敢是仝色？ 確實是按呢！ 你若是 kā 你 ê 滑鼠徙一下抑是 揤一下 就看會著 in 是仝色。 這張 錯覺插圖，叫做 仝色錯覺。 科學上，人類若是完全倚靠視覺，可能會拄著 看毋著 抑是看袂清，就算是直接 看 相對色彩，嘛有可能認毋著。 天頂 嘛有足濟 錯覺 現象，像 月娘 tī 地平線附近 ê 寸尺看起來較大，抑是 天體 ê 外形看起來親像某一項物件。 像 CCD 這款自動化、會當重複測量 ê 設備，會當予一般 科學 kah 天文學 較莫受著 人類 錯覺 ê 影響，雖然講無法度完全袂影響著。

[POJ] Kāng-sek chhò-kak

Keh-á A kah keh-á B kám-sī kāng sek? Khak-si̍t sī án-ne! Lí nā-sī kā lí ê ku̍t-chhí sóa–chi̍t-ē ia̍h-sī chhi̍h–chi̍t-ē tō khòaⁿ-ē-tio̍h in sī kāng sek. Chit-tiuⁿ chhò-kak chhah-tô͘, kiò-chò kāng-sek chhò-kak. Kho-ha̍k siōng, jîn-lūi nā-sī oân-choân óa-khò sī-kak, khó-lêng ē tú-tio̍h khòaⁿ m̄-tio̍h ia̍h-sī khòaⁿ bē-chheng, tiō-sǹg-sī ti̍t-chiap khòaⁿ siong-tùi sek-chhái, mā ū khó-lêng jīn m̄-tio̍h. Thiⁿ-téng mā ū chiok chē chhò-kak hiān-siōng, chhiūⁿ goe̍h-niû tī tē-pêng-sòaⁿ hù-kīn ê chhùn-chhioh khòaⁿ–khí-lâi khah tōa, ia̍h-sī thian-thé ê gōa-hêng khòaⁿ–khí-lâi chhin-chhiūⁿ bó͘ chi̍t-hāng mi̍h-kiāⁿ. Chhiūⁿ CCD chit-khoán chū-tōng-hòa, ē-tàng tiông-ho̍k chhek-liông ê siat-pī, ē-tàng hō͘ it-poaⁿ kho-ha̍k kah thian-bûn-ha̍k khah mài siū-tio̍h lîn-lūi chhò-kak ê éng-hióng, sui-jiân kóng bô-hoat-tō͘ oân-choân bē éng-hióng-tio̍h.

[KIP] Kāng-sik tshò-kak

Keh-á A kah keh-á B kám-sī kāng sik? Khak-si̍t sī án-ne! Lí nā-sī kā lí ê ku̍t-tshí suá–tsi̍t-ē ia̍h-sī tshi̍h–tsi̍t-ē tō khuànn-ē-tio̍h in sī kāng sik. Tsit-tiunn tshò-kak tshah-tôo, kiò-tsò kāng-sik tshò-kak. Kho-ha̍k siōng, jîn-luī nā-sī uân-tsuân uá-khò sī-kak, khó-lîng ē tú-tio̍h khuànn m̄-tio̍h ia̍h-sī khuànn bē-tshing, tiō-sǹg-sī ti̍t-tsiap khuànn siong-tuì sik-tshái, mā ū khó-lîng jīn m̄-tio̍h. Thinn-tíng mā ū tsiok tsē tshò-kak hiān-siōng, tshiūnn gue̍h-niû tī tē-pîng-suànn hù-kīn ê tshùn-tshioh khuànn–khí-lâi khah tuā, ia̍h-sī thian-thé ê guā-hîng khuànn–khí-lâi tshin-tshiūnn bóo tsi̍t-hāng mi̍h-kiānn. Tshiūnn CCD tsit-khuán tsū-tōng-huà, ē-tàng tiông-ho̍k tshik-liông ê siat-pī, ē-tàng hōo it-puann kho-ha̍k kah thian-bûn-ha̍k khah mài siū-tio̍h lîn-luī tshò-kak ê íng-hióng, sui-jiân kóng bô-huat-tōo uân-tsuân bē íng-hióng-tio̍h.

[English] The Same Color Illusion

Are squares A and B the same color? They are! To verify this, either run your cursor over the image or click here to see them connected. The featured illusion, an example of the same color illusion, illustrates that purely human perceptions in science may be ambiguous or inaccurate, even such a seemingly direct perception as relative color. Similar illusions exist on the sky, such as the size of the Moon near the horizon, or the apparent shapes of astronomical objects. The advent of automated, reproducible measuring devices such as CCDs have made science in general and astronomy in particular less prone to, but not free of, human-biased illusions.

詞彙學習（漢羅/POJ/KIP/華語/English）

• 【錯覺】chhò-kak/tshò-kak/錯覺/illusion
• 【仝色錯覺】kāng-se̍k chhò-kak/kāng-si̍k tshò-kak/同色錯覺/same color illusion
• 【地平線】tē-pêng-sòaⁿ/tē-pîng-suànn/地平線/horizon