太陽系內底上大粒 ê 石頭

Page(/daily/2023/01/20230101.md)

探索宇宙1!逐工會揀一幅無仝款 ê 影像抑是相片,𤆬你熟似咱這个迷人 ê 宇宙,閣有專業天文學者2為你解說3

[漢羅] 太陽系內底上大粒 ê 石頭

正爿彼个光點是 太陽系 內底上大粒 ê 石頭。 伊是比咱所有知影 ê 小行星衛星、kah 閣較大粒。 伊嘛比 咱太陽系內底所有 ê 岩石行星 閣較大。 這粒石頭大甲伊 ê 重力會當 kā 伊家己搝做一粒球,而且會當 kā 較重 ê 氣體搝 tiàm 伊 ê 表面。 (伊以前是 咱所知影上大粒 ê 岩石行星。 毋過 最近咱有揣著 足濟粒 踅別粒恆星咧行 ê 閣較大粒、實密 ê 行星。) 這張 叫做「藍色光點」ê 相片是 航海家 1 號太空船 tī 1990 年代 ùi 外 太陽系 翕–ê 太空大石頭。 Ùi 今仔日開始,這粒石頭會開始新一輾 ê 公轉。 伊這馬差不多欲踅伊 ê 母恆星 第 50 億擺矣,逐擺攏愛自轉超過 350 擺。 這粒石頭就叫做 地球! 咱祝面頂 ê 居民 新曆快樂

[POJ] Thài-iông-hē lāi-té siōng tōa-lia̍p ê chio̍h-thâu

Chiàⁿ-pêng hit-ê kng-tiám sī Thài-iông-hē lāi-té siōng tōa-lia̍p ê chio̍h-thâu. I sī pí lán só͘-ū chai-iáⁿ ê sió-kiâⁿ-chhiⁿ, ūi-chhiⁿ, kah hūi-he̍k koh-khah tōa-lia̍p. I mā pí lán Thài-iông-hē lāi-té só͘-ū ê giâm-chio̍h kiâⁿ-chhiⁿ koh khah tōa. Chit lia̍p chio̍h-thâu tōa kah i ê tiōng-le̍k ē-tàng kā i ka-tī giú chò chi̍t lia̍p kiû, jî-chhiáⁿ ē-tàng kā khah tāng ê khì-thé giú tiàm i ê piáu-bīn. (I í-chêng sī lán só͘ chai-iáⁿ siōng tōa-lia̍p ê giâm-chio̍h kiâⁿ-chhiⁿ. M̄-koh chòe-kīn lán ū chhōe-tio̍h chiok-chōe lia̍p se̍h pa̍t-lia̍p hêng-chhiⁿ leh kiâⁿ ê tōa-lia̍p, cha̍t-ba̍t ê kiâⁿ-chhiⁿ.) Chit tiuⁿ kiò-chò “Nâ-sek-kng-tiám” ê siòng-phìⁿ sī Hâng-hái-ka it hō thài-khong-chûn tī 1990 nî-tāi ùi Gōa Thài-iông-hē hip–ê thài-khong tōa chio̍h-thâu. Ùi kin-á-ji̍t khai-sí, chit lia̍p chio̍h-thâu ē khai-sí sin chi̍t-liàn ê kong-choán. I chit-má chha-put-to beh se̍h i ê bú-hêng-chhiⁿ tē 50 ek pái–ah, ta̍k-pái lóng ài chū-soân chhiau-kòe 350 pái. Chit lia̍p chio̍h-thâu to̍h kiò-chò Tē-kiû! Lán chiok bīn-téng ê ki-bîn sin-le̍k-nî khoài-lo̍k!

[KIP] Thài-iông-hē lāi-té siōng tuā-lia̍p ê tsio̍h-thâu

Tsiànn-pîng hit-ê kng-tiám sī Thài-iông-hē lāi-té siōng tuā-lia̍p ê tsio̍h-thâu. I sī pí lán sóo-ū tsai-iánn ê sió-kiânn-tshinn, uī-tshinn, kah huī-hi̍k koh-khah tuā-lia̍p. I mā pí lán Thài-iông-hē lāi-té sóo-ū ê giâm-tsio̍h kiânn-tshinn koh khah tuā. Tsit lia̍p tsio̍h-thâu tuā kah i ê tiōng-li̍k ē-tàng kā i ka-tī giú tsò tsi̍t lia̍p kiû, jî-tshiánn ē-tàng kā khah tāng ê khì-thé giú tiàm i ê piáu-bīn. (I í-tsîng sī lán sóo tsai-iánn siōng tuā-lia̍p ê giâm-tsio̍h kiânn-tshinn. M̄-koh tsuè-kīn lán ū tshuē-tio̍h tsiok-tsuē lia̍p se̍h pa̍t-lia̍p hîng-tshinn leh kiânn ê koh-khah tuā-lia̍p, tsa̍t-ba̍t ê kiânn-tshinn.) Tsit tiunn kiò-tsò “Nâ-sik-kng-tiám” ê siòng-phìnn sī Hâng-hái-ka it hō thài-khong-tsûn tī 1990 nî-tāi uì Guā Thài-iông-hē hip–ê thài-khong tuā tsio̍h-thâu. Uì kin-á-ji̍t khai-sí, tsit lia̍p tsio̍h-thâu ē khai-sí sin tsi̍t-liàn ê kong-tsuán. I tsit-má tsha-put-to beh se̍h i ê bú-hîng-tshinn tē 50 ik pái–ah, ta̍k-pái lóng ài tsū-suân tshiau-kuè 350 pái. Tsit lia̍p tsio̍h-thâu to̍h kiò-tsò Tē-kiû! Lán tsiok bīn-tíng ê ki-bîn sin-li̍k-nî khuài-lo̍k!

[English] The Largest Rock in our Solar System

There, that dot on the right, that’s the largest rock known in our Solar System. It is larger than every known asteroid, moon, and comet nucleus. It is larger than any other local rocky planet. This rock is so large its gravity makes it into a large ball that holds heavy gases near its surface. (It used to be the largest known rock of any type until the recent discoveries of large dense planets orbiting other stars.) The Voyager 1 spacecraft took the featured picture – famously called Pale Blue Dot – of this giant space rock in 1990 from the outer Solar System. Today, this rock starts another orbit around its parent star, for roughly the 5 billionth time, spinning over 350 times during each trip. Happy Gregorian Calendar New Year to all inhabitants of this rock we call Earth.

詞彙學習(漢羅/POJ/KIP/華語/English)

  • 【太陽系】Thài-iông-hē/Thài-iông-hē/太陽系/Solar System
  • 【小行星】Sió-kiâⁿ-chhiⁿ/Sió-kiânn-tshinn/小行星/asteroid
  • 【航海家 1 號】Hâng-hái-ka it hō/Hâng-hái-ka it hō/航海家 1 號/Voyager 1
  • 【母恆星】bú-hêng-chhiⁿ/bú-hîng-tshinn/母恆星/parent star
  • 【彗核】hūi-he̍k/huī-hi̍k/彗核/comet nucleus
  • 【藍色光點】Nâ-sek-kng-tiám/Nâ-sik-kng-tiám/暗淡藍點/Pale Blue Dot
  • 【外太陽系】Gōa Thài-iông-hē/Guā Thài-iông-hē/外太陽系/outer solar system
  • 【自轉】chū-choán/tsū-tsuán/自轉/spin

  1. 阮嘛有 Podcast面冊InstagramTwitter,會逐工 kā 你提醒有新 ê 翻譯 kah 錄音。閣有 YouTube 頻道,有當時仔會出新 ê 影片,緊來追蹤! ↩︎

  2. 本站 ê 介紹 (台語/華語)FAQ (華語) ↩︎

  3. 看無台文?阮讀予你聽!已經錄過 ê 文章 ↩︎

昨昏 ê 圖:矮行星 Makemake ê 衛星 tùi 伊面頭前行過 明仔載 ê 圖:日頭落山了後 ê 行星連珠