葡萄牙天頂 ê 恆星 kah 行星

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Stars and Planets over Portugal
• 影像來源 kah 版權：Miguel Claro (TWAN, Dark Sky Alqueva)
• 你敢知影？逐工一幅天文圖 ê 文章連結其實攏會 chhōa 你去冒險，嘛攏足 趣味 ê！
• 台文翻譯：An-Li Tsai (NCU)

[漢羅] 葡萄牙天頂 ê 恆星 kah 行星

這个任務本底是欲記錄 暗時 tī 天頂 leh 飛 ê 鳥仔，毋閣落尾煞變做 leh 記錄這个美麗 ê 夜空。 這張闊幅 ê 拼鬥相片 是 2020 年 tī 葡萄牙 Mértola 市 ê 金色 草埔 翕 ê。 Tī 這个暗摸摸 ê 所在，咱隨有法度看著天頂彼个 tī 夜空發光、媠甲予人讚嘆 ê 彎弓橋：就是咱 銀河 系 ê 中央帶。 毋閣這个夜空毋若按呢爾爾。 天頂閣有薄雲，就親像是金色 ê 光帶。 火星 tī 上倒爿遐，土星 kah 木星 嘛同齊出現，攏 tī 上正爿遐，kah 火星相對面。 相片頂懸遐，閣會當揣著一粒足光 ê 織女星。 較遠、較暗 ê 仙女座 是 tī 倒爿，就 tī 銀河 彎弓 ê 下底。 這個月有幾若粒行星，會 tī 暗頭仔彼陣，踮天頂排做一逝。 這寡行星有：木星、金星、火星、kah 土星。

[POJ] Phô-tô-gâ thiⁿ-téng ê Hêng-chhiⁿ kah Kiâⁿ-chhiⁿ

Chit-ê jīm-bū pún-tē sī beh kì-lo̍k àm-sî tī thiⁿ-téng leh poe ê chiáu-á, m̄-koh lo̍h-bóe soah piàn chò leh kì-lo̍k chit-ê bí-lē ê iā-khong. Chit-tiuⁿ khoah-pak ê pheng-tàu siòng-phìⁿ sī 2020 nî tī Phô-tô-gâ Mértola chhī ê kim-sek chháu-po͘ hip ê. Tī chit-ê àm-bong-bong ê só͘-chāi, lán sûi ū-hoat-tō͘ khòaⁿ-tio̍h thiⁿ-téng hit-ê tī iā-khong hoat-kng, súi kah hō͘ lâng chàn-thàn ê oan-kiong-kiô: tō-sī lán Gîn-hô-hē ê tiong-iong-tòa. M̄-koh chit-ê iā-khong m̄-nā án-ni niā-niā. Thiⁿ-téng koh ū po̍h-hûn, to̍h chhin-chhiūⁿ sī kim-sek ê kng-tòa. Hóe-chhiⁿ tī siōng tò-pêng hiah, Thó͘-chhiⁿ kah Bo̍k-chhiⁿ mā tâng-chê chhut-hiān, lóng tī siōng chiàⁿ-pêng hiah, kah Hóe-chhiⁿ sio-tùi-bīn. Siòng-phìⁿ téng-koân hiah, koh ē-tàng chhōe-tio̍h chi̍t-lia̍p chiok kng ê Chit-lú-chhiⁿ. Khah hn̄g, khah àm, ê Sian-lú-chō seng-hē sī tī tò-pêng, to̍h tī Gîn-hô oan-kiong ê ē-té. Chit-kò-goe̍h ū kúi-ā-lia̍p kiâⁿ-chhiⁿ, ē tī àm-thâu-á hit-chūn, tiàm thiⁿ-téng pâi chò chi̍t chōa. Chit-kóa kiâⁿ-chhiⁿ ū: Bo̍k-chhiⁿ, Kim-chhiⁿ, Hóe-chhiⁿ, kah Thó͘-chhiⁿ.

[KIP] Phô-tô-gâ thinn-tíng ê Hîng-tshinn kah Kiânn-tshinn

Tsit-ê jīm-bū pún-tē sī beh kì-lo̍k àm-sî tī thinn-tíng leh pue ê tsiáu-á, m̄-koh lo̍h-bué suah piàn tsò leh kì-lo̍k tsit-ê bí-lē ê iā-khong. Tsit-tiunn khuah-pak ê phing-tàu siòng-phìnn sī 2020 nî tī Phô-tô-gâ Mértola tshī ê kim-sik tsháu-poo hip ê. Tī tsit-ê àm-bong-bong ê sóo-tsāi, lán suî ū-huat-tōo khuànn-tio̍h thinn-tíng hit-ê tī iā-khong huat-kng, suí kah hōo lâng tsàn-thàn ê uan-kiong-kiô: tō-sī lán Gîn-hô-hē ê tiong-iong-tuà. M̄-koh tsit-ê iā-khong m̄-nā án-ni niā-niā. Thinn-tíng koh ū po̍h-hûn, to̍h tshin-tshiūnn sī kim-sik ê kng-tuà. Hué-tshinn tī siōng tò-pîng hiah, Thóo-tshinn kah Bo̍k-tshinn mā tâng-tsê tshut-hiān, lóng tī siōng tsiànn-pîng hiah, kah Hué-tshinn sio-tuì-bīn. Siòng-phìnn tíng-kuân hiah, koh ē-tàng tshuē-tio̍h tsi̍t-lia̍p tsiok kng ê Tsit-lú-tshinn. Khah hn̄g, khah àm, ê Sian-lú-tsō sing-hē sī tī tò-pîng, to̍h tī Gîn-hô uan-kiong ê ē-té. Tsit-kò-gue̍h ū kuí-ā-lia̍p kiânn-tshinn, ē tī àm-thâu-á hit-tsūn, tiàm thinn-tíng pâi tsò tsi̍t tsuā. Tsit-kuá kiânn-tshinn ū: Bo̍k-tshinn, Kim-tshinn, Hué-tshinn, kah Thóo-tshinn.

[English] Stars and Planets over Portugal

The mission was to document night-flying birds -- but it ended up also documenting a beautiful sky. The featured wide-angle mosaic was taken over the steppe golden fields in Mértola, Portugal in 2020. From such a dark location, an immediately-evident breathtaking glow arched over the night sky: the central band of our Milky Way galaxy. But this sky had much more. Thin clouds crossed the sky like golden ribbons. The planet Mars appeared on the far left, while the planets Saturn and Jupiter were also simultaneously visible -- but on the opposite side of the sky, here seen on the far right. Near the top of the image the bright star Vega can be found, while the far-distant and faint Andromeda Galaxy can be seen toward the left, just below Milky Way's arch. As the current month progresses, several planets are lining up in the pre-dawn sky: Jupiter, Venus, Mars, and Saturn.

詞彙學習