天爐座星系團

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你³解說⁴。

• 原始文章：The Fornax Cluster of Galaxies
• 影像來源 kah 版權：Marco Lorenzi, Angus Lau, Tommy Tse
• 台文翻譯：An-Li Tsai (NCU)

[漢羅] 天爐座星系團

天爐座星系團 是離咱上近 ê 其中一个星系團。 伊 ê 名是用南方 星座 天爐座 號 ê，因為伊內底大部份 ê 星系攏會當 tī 這个星座內底揣著。 伊差不多有 6200 萬光年遠，比咱 ê 厝邊星系 仙女座星系 ê 距離閣較遠 20 倍，比閣較有名 ê 室女座星系團 ê 距離閣較遠 10 葩。 這幅圖 ê 視野有 2 度闊，差不多你看著 ê 發黃光 ê 點，攏是 天爐座星系團 內底 ê 長株圓星系。 倒爿頂懸上光上明顯 ê 天體 是長株圓星系 NGC 1399 kah NGC 1404，毋閣毋是前景彼寡鑿目 ê 恆星。 正爿下跤彼个足明顯 ê 棍螺仔星系是 NGC 1365，伊是天爐座星系團上有名 ê 成員。

[POJ] Thian-lô͘-chō seng-hē-thoân

Thian-lô͘-chō seng-hē-thoân sī lî lán siōng-kīn ê kî-tiong chi̍t-ê seng-hē-thoân. I ê miâ sī iōng lâm-hong seng-chō Thian-lô͘-chō hō ê, in-ūi i lāi-té tōa-pō͘-hūn ê seng-hē lóng ē-tàng tī chit-ê seng-chō lāi-té chhōe-tio̍h. I chha-put-to ū la̍k-chheng-nn̄g-pah-bān kng-nî hn̄g, pí lán ê chhù-piⁿ seng-hē Sian-lú-chō seng-hē ê kū-lî koh-khah hn̄g jī-cha̍p pōe, pí koh-khah ū-miâ ê Sek-lú-chō seng-hē-thoân ê kū-lî koh-khah hn̄g cha̍p pha. Chit-pak-tô͘ ê sī-iá ū nn̄g tō͘ khoah, chha-put-to lí khòaⁿ--tio̍h ê hoat n̂g-kng ê tiám, lóng-sī Thian-lô͘-chō seng-hē-thoân lāi-té ê tn̂g-tu-îⁿ seng-hē. Tò-pêng téng-koân siōng kng siōng bêng-hián ê thian-thé sī tn̂g-tu-îⁿ seng-hē NGC it-sam-kiú-kiú kah NGC it-sù-khòng-sù, m̄-koh m̄-sī chiân-kéng hit-kóa chha̍k-ba̍k ê hêng-chhiⁿ. Chiàⁿ-pêng ē-kha hit-ê chiok bêng-hián ê kùn-lê-á seng-hē sī NGC it-sam-lio̍k-ngó͘, i sī Thian-lô͘-chō seng-hē-thoân siōng ū-miâ ê sêng-goân.

[KIP] Thian-lô͘-chō seng-hē-thoân

Thian-lô͘-chō seng-hē-thoân sī lî lán siōng-kīn ê kî-tiong chi̍t-ê seng-hē-thoân. I ê miâ sī iōng lâm-hong seng-chō Thian-lô͘-chō hō ê, in-ūi i lāi-té tōa-pō͘-hūn ê seng-hē lóng ē-tàng tī chit-ê seng-chō lāi-té chhōe-tio̍h. I chha-put-to ū la̍k-chheng-nn̄g-pah-bān kng-nî hn̄g, pí lán ê chhù-piⁿ seng-hē Sian-lú-chō seng-hē ê kū-lî koh-khah hn̄g jī-cha̍p pōe, pí koh-khah ū-miâ ê Sek-lú-chō seng-hē-thoân ê kū-lî koh-khah hn̄g cha̍p pha. Chit-pak-tô͘ ê sī-iá ū nn̄g tō͘ khoah, chha-put-to lí khòaⁿ--tio̍h ê hoat n̂g-kng ê tiám, lóng-sī Thian-lô͘-chō seng-hē-thoân lāi-té ê tn̂g-tu-îⁿ seng-hē. Tò-pêng téng-koân siōng kng siōng bêng-hián ê thian-thé sī tn̂g-tu-îⁿ seng-hē NGC it-sam-kiú-kiú kah NGC it-sù-khòng-sù, m̄-koh m̄-sī chiân-kéng hit-kóa chha̍k-ba̍k ê hêng-chhiⁿ. Chiàⁿ-pêng ē-kha hit-ê chiok bêng-hián ê kùn-lê-á seng-hē sī NGC it-sam-lio̍k-ngó͘, i sī Thian-lô͘-chō seng-hē-thoân siōng ū-miâ ê sêng-goân.

[English] The Fornax Cluster of Galaxies

Named for the southern constellation toward which most of its galaxies can be found, the Fornax Cluster is one of the closest clusters of galaxies. About 62 million light-years away, it is almost 20 times more distant than our neighboring Andromeda Galaxy, and only about 10 percent farther than the better known and more populated Virgo Galaxy Cluster. Seen across this two degree wide field-of-view, almost every yellowish splotch on the image is an elliptical galaxy in the Fornax cluster. Elliptical galaxies NGC 1399 and NGC 1404 are the dominant, bright cluster members toward the upper left (but not the spiky foreground stars). A standout barred spiral galaxy NGC 1365 is visible on the lower right as a prominent Fornax cluster member.

詞彙學習