EHT 解析半人馬座 A 烏洞 ê 中央噴流影像

Page(/daily/2021/08/20210804)

探索宇宙1!逐工會揀一幅無仝款 ê 影像抑是相片,𤆬你熟似咱這个迷人 ê 宇宙,閣有專業天文學者2為你解說3

  • 原始文章:EHT Resolves Central Jet from Black Hole in Cen A
  • 影像來源:Radboud University; CSIRO/ATNF/I.Feain et al., R.Morganti et al., N.Junkes et al.; ESO/WFI; MPIfR/ESO/APEX/A. Weiss et al.; NASA/CXC/CfA/R. Kraft et al.; TANAMI/C. Mueller et al.; EHT/M. Janssen et al.
  • 台文翻譯:An-Li Tsai (NCU)

[漢羅] EHT 解析半人馬座 A 烏洞 ê 中央噴流影像

超大質量烏洞是按怎產生能量足強 ê 噴流? 為著欲揣著這个答案,事件視界望遠鏡 (EHT) kā 厝邊 活跳星系,半人馬座 A,ê 中央區顯像出來。 這規組一格一格 ê 主題插圖 攏是 半人馬座 A。 Ùi 上大尺度(幾若个月球闊 ê 天區)到這馬會當看著 ê 上細尺度(月球面頂 一粒 goo-lú-huh 球大細 ê 天區)攏有。 這張新 ê 影像面頂 ê 兩條噴流,實際上是 一條噴流 ê 兩爿。 這个 新發現 ê 噴流邊界光度加強現象,並無解決 噴流是按怎產生 ê 謎題。 毋閣有暗示講,這个粒子噴流是去予較強 ê 壓力 kā 箍牢 ê,可能 kah 磁場 有關。 EHT全球 ê 電波望遠鏡組合,ùi 美國 Hawaii 加州理工學院 ê 次毫米波天文台智利 ê ALMA 天文台、到 法國 ê NOEMA 天文台,等等。 EHT 會繼續觀測大質量恆星、厝邊 、kah in ê 高能環境。

[POJ] EHT kái-sek Poàn-jîn-má-chō A o͘-tōng ê tiong-ng phùn-liû iáⁿ-siōng

Chhiau-tōa-chit-liōng-o͘-tōng sī án-ná sán-seng lêng-liōng chiok-kiông ê phùn-liû? Ūi-tio̍h beh chhōe-tio̍h chit-ê tap-àn, Sū-kiāⁿ sī-kài bōng-oán-kiàⁿ (EHT) kā chhù-piⁿ oa̍h-thiàu-seng-hē, Poàn-jîn-má-chō A, ê tiong-ng-khu hián-siōng chhut-lâi. Chi̍t kui-cho͘ chi̍t-keh-chi̍t-keh ê chú-tê chhah-tô͘ lóng sī Poàn-jîn-má-chō A. Ùi siōng tōa chhioh-tō͘ (kúi-ā-ê goe̍h-kiû khoah ê thian-khu) kàu chit-má ē-tàng khòaⁿ-tio̍h ê siōng-sè chhioh-tō͘ (goe̍h-kiû bīn-téng chi̍t-lia̍p goo-lú-huh kiû tōa-sè ê thian-khu) lóng ū. Chit-tiuⁿ sin ê iáⁿ-siōng bīn-téng ê nn̄g-tiâu phùn-liû, si̍t-chè-siōng sī chi̍t-tiâu phùn-liû ê nn̄g-pêng. Chit-ê sin hoat-hiān ê phùn-liû pian-kài kng-tō͘ ka-kiông hián-siōng, pēng-bô kái-koat phùn-liû sī án-ná sán-seng ê bê-tê. M̄-koh ū àm-sī kóng, chit-ê lia̍p-chú phùn-liû sī khì hō͘ khah-kiông ê ap-le̍k kā kho͘-tiâu ê, khó-lêng kah chû-tiûⁿ ū-koan. EHT sī choân-kiû ê tiān-pho bōng-oán-kiàⁿ cho͘-ha̍p, ùi Bí-kok Hawaii Ka-chiu lí-kang-ha̍k-īⁿ ê Chhù-hô-bí-pho thian-bûn-tâi, Tì-lī ê ALMA thian-bûn-tâi, kàu Hoat-kok ê NOEMA thian-bûn-tâi, téng-téng. EHT ē kè-sio̍k koan-chhek tōa-chit-liōng hêng-chhiⁿ, chhù-piⁿ o͘-tōng, kah in ê ko-lêng khoân-kéng.

[KIP] EHT kái-sik Puàn-jîn-má-tsō A oo-tōng ê tiong-ng phùn-liû iánn-siōng

Tshiau-tuā-tsit-liōng-oo-tōng sī án-ná sán-sing lîng-liōng tsiok-kiông ê phùn-liû? Uī-tio̍h beh tshuē-tio̍h tsit-ê tap-àn, Sū-kiānn sī-kài bōng-uán-kiànn (EHT) kā tshù-pinn ua̍h-thiàu-sing-hē, Puàn-jîn-má-tsō A, ê tiong-ng-khu hián-siōng tshut-lâi. Tsi̍t kui-tsoo tsi̍t-keh-tsi̍t-keh ê tsú-tê tshah-tôo lóng sī Puàn-jîn-má-tsō A. Uì siōng tuā tshioh-tōo (kuí-ā-ê gue̍h-kiû khuah ê thian-khu) kàu tsit-má ē-tàng khuànn-tio̍h ê siōng-sè tshioh-tōo (gue̍h-kiû bīn-tíng tsi̍t-lia̍p goo-lú-huh kiû tuā-sè ê thian-khu) lóng ū. Tsit-tiunn sin ê iánn-siōng bīn-tíng ê nn̄g-tiâu phùn-liû, si̍t-tsè-siōng sī tsi̍t-tiâu phùn-liû ê nn̄g-pîng. Tsit-ê sin huat-hiān ê phùn-liû pian-kài kng-tōo ka-kiông hián-siōng, pīng-bô kái-kuat phùn-liû sī án-ná sán-sing ê bê-tê. M̄-koh ū àm-sī kóng, tsit-ê lia̍p-tsú phùn-liû sī khì hōo khah-kiông ê ap-li̍k kā khoo-tiâu ê, khó-lîng kah tsû-tiûnn ū-kuan. EHT sī tsuân-kiû ê tiān-pho bōng-uán-kiànn tsoo-ha̍p, uì Bí-kok Hawaii Ka-tsiu lí-kang-ha̍k-īnn ê Tshù-hô-bí-pho thian-bûn-tâi, Tì-lī ê ALMA thian-bûn-tâi, kàu Huat-kok ê NOEMA thian-bûn-tâi, tíng-tíng. EHT ē kè-sio̍k kuan-tshik tuā-tsit-liōng hîng-tshinn, tshù-pinn oo-tōng, kah in ê ko-lîng khuân-kíng.

[English] EHT Resolves Central Jet from Black Hole in Cen A

How do supermassive black holes create powerful jets? To help find out, the Event Horizon Telescope (EHT) imaged the center of the nearby active galaxy Centaurus A. The cascade of featured inset images shows Cen A from it largest, taking up more sky than many moons, to its now finest, taking up only as much sky as an golf ball on the moon. The new image shows what may look like two jets – but is actually two sides of a single jet. This newly discovered jet-edge brightening does not solve the jet-creation mystery, but does imply that the particle outflow is confined by a strong pressure – possibly involving a magnetic field. The EHT is a coordination of radio telescopes from around the Earth – from the Caltech Submillimeter Observatory in Hawaii USA, to ALMA in Chile, to NOEMA in France, and more. The EHT will continue to observe massive, nearby black holes and their energetic surroundings.

詞彙學習(漢羅/POJ/KIP/華語/English)

  • 【解析】kái-sek/kái-sik/解析/resolve
  • 【半人馬座 A】Poàn-jîn-má-chō A/Puàn-jîn-má-tsō A/半人馬座 A/Centaurus A
  • 【噴流】phùn-liû/phùn-liû/噴流/jet
  • 【事件視界望遠鏡】Sū-kiāⁿ sī-kài bōng-oán-kiàⁿ/Sū-kiānn sī-kài bōng-uán-kiànn/事件視界望遠鏡/Event Horizon Telescope (EHT)
  • 【次毫米波天文台】Chhù-hô-bí-pho thian-bûn-tâi/Tshù-hô-bí-pho thian-bûn-tâi/次毫米波天文台/the Submillimeter Observatory
  • 【電波望遠鏡】tiān-pho bōng-oán-kiàⁿ/tiān-pho bōng-uán-kiànn/電波望遠鏡/radio telescopes
  • 【超大質量烏洞】Chhiau-tōa-chit-liōng-o͘-tōng/Tshiau-tuā-tsit-liōng-oo-tōng/超大質量黑洞/supermassive black hole
  • 【活跳星系】oa̍h-thiàu-seng-hē/ua̍h-thiàu-sing-hē/活躍星系/active galaxy

  1. 阮嘛有 Podcast面冊InstagramTwitter,會逐工 kā 你提醒有新 ê 翻譯 kah 錄音。閣有 YouTube 頻道,有當時仔會出新 ê 影片,緊來追蹤! ↩︎

  2. 本站 ê 介紹 (台語/華語)FAQ (華語) ↩︎

  3. 看無台文?阮讀予你聽!已經錄過 ê 文章 ↩︎

昨昏 ê 圖:英仙座火球 kah 銀河 明仔載 ê 圖:隕石坑 Tycho kah Clavius