月球塗粉 kah 電火布

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Lunar Dust and Duct Tape
• 影像來源：Apollo 17, NASA
• 台文翻譯：An-Li Tsai (NCU)

[漢羅] 月球塗粉 kah 電火布

是按怎月球面頂遮爾厚塗粉？ Tī 地球， 石頭經過風 kah 水 ê 風化作用了後，會產生沙塗。 Tī 月球久長 ê 歷史內底一直去予微隕石砲擊，kā 本來 ê 岩石表面挵甲產生一重 月球粉塗抑是表岩屑仔。 毋閣 tùi 阿波羅太空人 kah in ê 設備來講，坱埃四界軁，閣細粒，又閣著一直來，實在是有夠麻煩。 1972 年 12 月，tī 月球表面 ê 阿波羅 17 號 太空人 Harrison Schmitt kah Eugene Cernan 需要拍拚 修理探測車 ê 其中一个塗帕仔，才有法度 kā 車輪噴出來坱蓬蓬 ê 塗粉 擋 leh，袂去影響著 in kah 狗齒仔。 這張相片看會著去予塗粉崁牢 ê 探測車車輪 kah 塗帕仔。 太空人用備用地圖、鋏仔、kah 殕色 ê 電火布 kā 塗帕仔補起來，實在是真巧 ê 做法。

[POJ] Goe̍h-kiû thô͘-hún kah Tiān-hóe-pò͘

Sī án-ná Goe̍h-kiû bīn-téng chiah-nī kāu thô͘-hún? Tī Tē-kiû, chio̍h-thâu kéng-kòe hong kah chúi ê hong-hòa chok-iōng liáu-āu, ē sán-seng soa-thô͘. Tī Goe̍h-kiû kú-tn̂g ê le̍k-sú lāi-té it-ti̍t khì hō͘ bî-ún-se̍k phàu-kek, kā pún-lâi ê giâm-chio̍h piáu-bīn lòng kah sán-seng chi̍t-têng Goe̍h-kiû hún-thô͘ iah-sī piáu-giâm-sap-á. M̄-koh tùi A-pho-lô thài-khong-jîn kah in ê siat-pī lâi-kóng, eng-ia sì-kè nǹg, koh sè-lia̍p, iū-koh iū-koh it-ti̍t-lâi, si̍t-chāi sī ū-kàumâ-hoân. It-kiú-chhit-jī nî cha̍p-jī goe̍h, tī Goe̍h-kiû piáu-bīn ê A-pho-lô cha̍p-chhit hō thài-khong-jîn Harrison Schmitt kah Eugene Cernan su-iàu phah-piàⁿ siu-lí thàm-chhek-chhia ê kî-tiong chi̍t-ê thô͘-phè-á, chiah ū-hoat-tō͘ kā chhia-lián phùn–chhut-lâi eng-phōng-phōng ê thô͘-hún tòng–leh, bōe khì éng-hióng tio̍h in kah káu-khí-á. Chit-tiuⁿ siòng-phìⁿ khòaⁿ-ē-tio̍h khì hō͘ thô͘-hún khàm-tiâu ê thàm-chhek-chhia chhia-lián kah thô͘-phè-á. Thài-khong-jîn iōng pī-iōng tē-tô͘, giap-á, kah phú-sek ê tiān-hóe-pò͘ kā thô͘-phè-á pó͘–khí-lâi, si̍t-chāi sī chin khiáu ê chò-hoat.

[KIP] Gue̍h-kiû thôo-hún kah Tiān-hué-pòo

Sī án-ná Gue̍h-kiû bīn-tíng tsiah-nī kāu thôo-hún? Tī Tē-kiû, tsio̍h-thâu kíng-kuè hong kah tsuí ê hong-huà tsok-iōng liáu-āu, ē sán-sing sua-thôo. Tī Gue̍h-kiû kú-tn̂g ê li̍k-sú lāi-té it-ti̍t khì hōo bî-ún-si̍k phàu-kik, kā pún-lâi ê giâm-tsio̍h piáu-bīn lòng kah sán-sing tsi̍t-tîng Gue̍h-kiû hún-thôo iah-sī piáu-giâm-sap-á. M̄-koh tùi A-pho-lô thài-khong-jîn kah in ê siat-pī lâi-kóng, ing-ia sì-kè nǹg, koh sè-lia̍p, iū-koh iū-koh it-ti̍t-lâi, si̍t-tsāi sī ū-kaum3a5-huân. It-kiú-tshit-jī nî tsa̍p-jī gue̍h, tī Gue̍h-kiû piáu-bīn ê A-pho-lô tsa̍p-tshit hō thài-khong-jîn Harrison Stsmitt kah Eugene Cernan su-iàu phah-piànn siu-lí thàm-tshik-tshia ê kî-tiong tsi̍t-ê thôo-phè-á, tsiah ū-huat-tōo kā tshia-lián phùn–tshut-lâi ing-phōng-phōng ê thôo-hún tòng–leh, buē khì íng-hióng tio̍h in kah káu-khí-á. Tsit-tiunn siòng-phìnn khuànn-ē-tio̍h khì hōo thôo-hún khàm-tiâu ê thàm-tshik-tshia tshia-lián kah thôo-phè-á. Thài-khong-jîn iōng pī-iōng tē-tôo, giap-á, kah phú-sik ê tiān-hué-pòo kā thôo-phè-á póo–khí-lâi, si̍t-tsāi sī tsin khiáu ê tsò-huat.

[English] Lunar Dust and Duct Tape

Why is the Moon so dusty? On Earth, rocks are weathered by wind and water, creating soil and sand. On the Moon, the long history of micrometeorite bombardment has blasted away at the rocky surface creating a layer of powdery lunar soil or regolith. For the Apollo astronauts and their equipment, the pervasive, fine, gritty dust was definitely a problem. On the lunar surface in December 1972, Apollo 17 astronauts Harrison Schmitt and Eugene Cernan needed to repair one of their rover’s fenders in an effort to keep the rooster tails of dust away from themselves and their gear. This picture reveals the wheel and fender of their dust covered rover along with the ingenious application of spare maps, clamps, and a grey strip of “duct tape”.

詞彙學習（漢羅/POJ/KIP/華語/English）

• 【電火布】tiān-hóe-pò͘/tiān-hué-pòo/電線膠帶/duct tape
• 【風化作用】hong-hòa chok-iōng/hong-huà tsok-iōng/風化作用/weathering
• 【微隕石】bî-ún-se̍k/bî-ún-si̍k/微隕石/micrometeorite
• 【砲擊】phàu-kek/phàu-kik/砲擊/bombardment
• 【表岩屑仔】piáu-giâm-sap-á/piáu-giâm-sap-á/表岩屑/regolith
• 【阿波羅太空人】A-pho-lô thài-khong-jîn/A-pho-lô thài-khong-jîn/阿波羅太空人/the Apollo astronauts
• 【探測車】thàm-chhek-chhia/thàm-tshek-tshia/探測車/rover
• 【塗帕仔】thô͘-phè-á/thôo-phè-á/擋泥板/fender
• 【狗齒仔】káu-khí-á/káu-khí-á/齒輪/gear
• 【備用地圖】pī-iōng tē-tô͘/pī-iōng tē-tôo/備用地圖/spare maps
• 【鋏仔】giap-á/liû-hông/夾子/clamps
• 【殕色】phú-sek/phú-sik/灰色/grey