極光樹

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：The Aurora Tree
• 影像來源 kah 版權：Alyn Wallace
• 台文翻譯：An-Li Tsai (NCU)

[漢羅] 極光樹

是咧！你 ê 樹仔敢有法度按呢？ 這張相片 是 tī 附近樹仔 ê 樹枝暗爿 kah 遠方極光 ê 視覺巧合。 這个 極光 是遮爾美麗，因為伊配合 樹枝 ê 形體。 結果攝影師看到戇去，煞袂記得翕相。 若是撨到一个角度，極光看起來 to̍h 親像是樹仔 ê 葉仔。 好咧佳哉！Tī 極光變做 另外 一組 形體 進前，攝影師已經回神，kā 這个 美麗 ê 瞬間 翕起來。 一般來講，極光是 太陽能量 爆發引起 ê。 是高能 電子 kah 地球大氣層 tī 150 公里懸 ê 所在相碰產生 ê 。 這个地球 kah 天空 ê 特別合作，是 tī 2017 年 3 月 tī 冰島 看著 ê。

[POJ] Ke̍k-kng-chhiú

Sī-lih! Lí ê chhiū-á kám ū-hoat-tō͘ án-ni? Chit-tiuⁿ siòng-phìⁿ sī tī hù-kūn chhiū-á ê àm-pêng kah oán-hong ke̍k-kng ê sī-kak khá-ha̍p. Chi̍t-ê ke̍k-kng sī chiah-nī bí-lē, in-ūi i phòe-ha̍p chhiū-ki ê hêng-thé. Kiat-kó liap-iáⁿ-su khòaⁿ-kàu gōng--khì, soah bōe-kì-tit hip-siòng. Nā-sī chhiâu-kàu chi̍t-ê kak-tō͘, ke̍k-kng khòaⁿ--khí-lâi to̍h chhin-chhiūⁿ sī chhiū-á ê hio̍h-á. Hó-lí-ka-chài! Tī ke̍k-kng piàn-chò lēng-gōa chi̍t-cho͘ hêng-thé chìn-chêng, liap-iáⁿ-su í-keng hôe-sîn, kā chi̍t-ê bí-lē ê sùn-kan hip--khí-lâi. It-poaⁿ-lâi-kóng, ke̍k-kng sī thài-iông lêng-liōng po̍k-hoat ín-khí ê. Sī kong-lêng tiān-chú kah tē-kiû tōa-khì-chân tī chi̍t-pah-gō͘-cha̍p kong-lí koân ê só͘-chāi sán-seng ê. Chi̍t-ê tē-kiû kah thian-khong ê te̍k-pia̍t ha̍p-chok, sī tī jī-khòng-it-chhit nî saⁿ goe̍h tī peng-tó khòaⁿ-ē-tio̍h.

[KIP] Ki̍k-kng-tshiú

Sī-lih! Lí ê tshiū-á kám ū-huat-tōo án-ni? Tsit-tiunn siòng-phìnn sī tī hù-kūn tshiū-á ê àm-pîng kah uán-hong ki̍k-kng ê sī-kak khá-ha̍p. Tsi̍t-ê ki̍k-kng sī tsiah-nī bí-lē, in-uī i phuè-ha̍p tshiū-ki ê hîng-thé. Kiat-kó liap-iánn-su khuànn-kàu gōng--khì, suah buē-kì-tit hip-siòng. Nā-sī tshiâu-kàu tsi̍t-ê kak-tōo, ki̍k-kng khuànn-khí-lâi to̍h tshin-tshiūnn sī tshiū-á ê hio̍h-á. Hó-lí-ka-tsài! Tī ki̍k-kng piàn-tsò līng-guā tsi̍t-tso͘ hîng-thé tsìn-tsîng, liap-iánn-su í-king huê-sîn, kā tsi̍t-ê bí-lē ê sùn-kan hip--khí-lâi. It-puann-lâi-kóng, ki̍k-kng sī thài-iông lîng-liōng po̍k-huat ín-khí ê. Sī kong-lîng tiān-tsú kah tē-kiû tuā-khì-tsân tī tsi̍t-pah-gōo-tsa̍p kong-lí kuân ê sóo-tsāi sán-sing ê. Tsi̍t-ê tē-kiû kah thian-khong ê ti̍k-pia̍t ha̍p-tsok, sī tī jī-khòng-it-tshit nî sann gue̍h tī ping-tó khuànn-ē-tio̍h.

[English] The Aurora Tree

Yes, but can your tree do this? Pictured is a visual coincidence between the dark branches of a nearby tree and bright glow of a distant aurora. The beauty of the aurora -- combined with how it seemed to mimic a tree right nearby -- mesmerized the photographer to such a degree that he momentarily forgot to take pictures. When viewed at the right angle, it seemed that this tree had aurora for leaves. Fortunately, before the aurora morphed into a different overall shape, he came to his senses and capture the awe-inspiring momentary coincidence. Typically triggered by solar explosions, aurora are caused by high energy electrons impacting the Earth's atmosphere around 150 kilometers up. The unusual Earth-sky collaboration was witnessed in March of 2017 in Iceland.

詞彙學習