太陽光柱 kah 頂切線弧

探索宇宙¹！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者²為你解說³。

• 原始文章：Sun Pillar with Upper Tangent Arc
• 影像來源 kah 版權：Mike Cohea
• 台文翻譯：An-Li Tsai (NCU)
• 新消息：NASA 毅力號新聞報導

[漢羅] 太陽光柱 kah 頂切線弧

這毋是一个一般 ê 太陽光柱。兩禮拜前 ê 一工，tī 美國 Rhode Island 洲 Providence 城，有一个 kha-mé-lah sàng tī 日頭 peh 起來了後，ùi 伊 ê 窗仔看出去，煞突然掣一趒！這个予人驚甲戇去 ê 景色是 太陽光柱 產生 ê，面頂 to̍h 親像 kā 葵扇展開 按呢。太陽光柱是 ùi 太陽 發出來 ê，實在是真罕得看著。咱知影伊是太陽光 反射 ùi 地球大氣層 落落來、leh 振動 ê 六角盤仔 形 冰 造成 ê。另外一方面，咱嘛知影頂 切線弧 是太陽光屈折落落來 ê 六角柱仔 形 冰 造成 ê。去拄著 太陽光柱 kah 頂切線弧 相連 ê 景色實在是足無簡單 ê。拄開始 ê 時有做一寡仔分析，看到底是發生啥物代誌。一个主流 ê 理論是講，太陽光柱 嘛會 tī 落落來 ê 柱仔冰內底，用足複雜 kah 特殊 ê 方式製造出來。是講，無講你袂相信，這款 真罕得看著 ê 現象，竟然有法度閣看著一擺。這是因為 kha-mé-lah sàng 反應緊，kha-mé-lah to̍h 囥佇伊 手機仔 邊仔，才翕著 ê。

[POJ] Thài-iông kng-thiāu kah téng-chhiat-sòaⁿ-hô͘

Che m̄-sī chi̍t-ê it-poaⁿ ê thài-iông kng-thiāu. Nn̄g-lé-pài chêng ê chi̍t-kang, tī Bí-kok Rhode Island chiu Providence siâⁿ, ū chi̍t-ê kha-mé-lah sàng tī ji̍t-thâu peh--khí-lâi liáu-āu, ùi i ê thang-á khòaⁿ--chhut-khì, soah thu̍t-jiân chhoah-chi̍t-tiô! Chit-ê hō͘ lâng kiaⁿ kah gōng--khì ê kéng-sek sī thài-iông kng-thiāu sán-seng ê, bīn-téng to̍h chhin-chhiūⁿ kā khôe-sìⁿ thián-khui án-ne. Thài-iông kng-thiāu sī ùi thài-iông hoat--chhut-lâi ê, si̍t-chāi sī chin hán-tek khòaⁿ-tio̍h. Lán chai-iáⁿ i sī thài-iông-kng hoat-siā ùi tē-kiû tōa-khì-chân lak-lo̍h-lâi, leh tín-tōng ê la̍k-kak-pôaⁿ-á-hêng-peng chō-sêng ê. Lēng-gōa chi̍t-hong-bīn, lán mā chai-iáⁿ téng-chhiat-sòaⁿ-hô͘ sī thài-iông-kng khut-chiat lak-lo̍h-lâi ê la̍k-kak-thiāu-á-hêng-peng chō-sêng ê. Khì tú-tio̍h thài-iông kng-thiāu kah téng-chhiat-sòaⁿ-hô͘ sio-liân ê kéng-sek si̍t-chāi sī chiok bô kán-tan ê. Tú khai-sí ê sî-chūn ū chò chi̍t-kóa-á hun-sek, khòaⁿ tàu-té sī hoat-seng siáⁿ-mih tāi-chì. Chi̍t-ê chú-liû ê lí-lūn sī kóng, thài-iông kng-thiāu mā ē tī lak--lo̍h-lâi ê thiāu-á-peng lāi-té, iōng chiok ho̍k-cha̍p kah te̍k-sû ê hong-sek chè-chō chhut-lâi. Sī-kóng, bô kóng lí bōe siong-sìn, chit-khoán chin hán-tek khòaⁿ--tio̍h ê hiān-siōng, kèng-jiân ū-hoat-tō͘ koh khòaⁿ-tio̍h chi̍t-pái. Che sī in-ūi kha-mé-lah sàng hoán-èng kīn, kha-mé-lah to̍h khǹg tī i chhiú-ki-á piⁿ-á, chiah hip--tio̍h ê.

[KIP] Thài-iông kng-thiāu kah tíng-tshiat-suànn-hôo

Tse m̄-sī tsi̍t-ê it-puann ê thài-iông kng-thiāu. Nn̄g-lé-pài tsîng ê tsi̍t-kang, tī Bí-kok Rhode Island tsiu Providence siânn, ū tsi̍t-ê kha-mé-lah sàng tī ji̍t-thâu peh--khí-lâi liáu-āu, uì i ê thang-á khuànn--tshut-khì, suah thu̍t-jiân tshuah-tsi̍t-tiô! Tsit-ê hōo lâng kiann kah gōng--khì ê kíng-sik sī thài-iông kng-thiāu sán-sing ê, bīn-tíng to̍h tshin-tshiūnn kā khuê-sìnn thián-khui án-ne. Thài-iông kng-thiāu sī uì thài-iông huat--tshut-lâi ê, si̍t-tsāi sī tsin hán-tik khuànn-tio̍h. Lán tsai-iánn i sī thài-iông-kng huat-siā uì tē-kiû tuā-khì-tsân lak-lo̍h-lâi, leh tín-tōng ê la̍k-kak-puânn-á-hîng-ping tsō-sîng ê. Līng-guā tsi̍t-hong-bīn, lán mā tsai-iánn tíng-tshiat-suànn-hôo sī thài-iông-kng khut-tsiat lak-lo̍h-lâi ê la̍k-kak-thiāu-á-hîng-ping tsō-sîng ê. Khì tú-tio̍h thài-iông kng-thiāu kah tíng-tshiat-suànn-hôo sio-liân ê kíng-sik si̍t-tsāi sī tsiok bô kán-tan ê. Tú khai-sí ê sî-tsūn ū tsò tsi̍t-kuá-á hun-sik, khuànn tàu-té sī huat-sing siánn-mih tāi-tsì. Tsi̍t-ê tsú-liû ê lí-lūn sī kóng, thài-iông kng-thiāu mā ē tī lak--lo̍h-lâi ê thiāu-á-ping lāi-té, iōng tsiok ho̍k-tsa̍p kah ti̍k-sû ê hong-sik tsè-tsō tshut-lâi. Sī-kóng, bô kóng lí buē siong-sìn, tsit-khuán tsin hán-tik khuànn--tio̍h ê hiān-siōng, kìng-jiân ū-huat-tōo koh khuànn-tio̍h tsi̍t-pái. Tse sī in-uī kha-mé-lah sàng huán-ìng kīn, kha-mé-lah to̍h khǹg tī i tshiú-ki-á pinn-á, tsiah hip--tio̍h ê.

[English] Sun Pillar with Upper Tangent Arc 

This was not a typical sun pillar. Just after sunrise two weeks ago in Providence , Rhode Island , USA , a photographer, looking out his window, was suddenly awestruck.The astonishment was caused by a sun pillar that fanned out at the top. Sun pillars, singular columns of light going up from the Sun , are themselves rare to see, and are known to be caused by sunlight reflecting from wobbling, hexagon-shaped ice-disks falling through Earth's atmosphere . Separately, upper tangent arcs are known to be caused by sunlight refracting through falling hexagon-shaped ice-tubes .Finding a sun pillar connected to an upper tangent arc is extraordinary, and, initially, took some analysis to figure out what was going on.A leading theory is that this sun pillar was also created, in a complex and unusual way, by falling ice tubes. Few might believe that such a rare phenomenon was seen again if it wasn't for the quick thinking of the photographer -- and the camera on his nearby smartphone .

詞彙學習