月華 kah 邊仔 ê 木星、土星

Page(/daily/2021/01/20210119)

探索宇宙1!逐工會揀一幅無仝款 ê 影像抑是相片,𤆬你熟似咱這个迷人 ê 宇宙,閣有專業天文學者2為你解說3

[漢羅] 月華 kah 邊仔 ê 木星、土星

是按怎有當時仔,去予雲閘著 ê 月娘看起來是七彩 ê?這款 現像 to̍h 叫做 月華,是佇薄縭絲 ê 雲內底差不多平大粒 ê 水珠 中央,產生光 ê 量子力學 繞射。無仝色 ê 光有 無仝 ê 波長,無仝色 ê 光 ê 繞射現像 嘛會無仝。月華 是真少數用目睭 to̍h 看會著 ê 量子力學 色光效應。是講,日華 有當時仔嘛真明顯。這張 組合影像 個月土星 木星 相拄 幾工翕 ê。頭前是 意大利 一个叫做 Pieve di Cdore ê 庄頭,伊 to̍h 佇 Sfornioi 山 ê 頭前。

[POJ] Goe̍h-hôa kah piⁿ–á ê Bo̍k-chhiⁿ Thó͘-chhiⁿ

SĪ án-ná ū-tang-sî-á, khì hō͘ hûn cha̍h-tio̍h-ê goe̍h-niû khòaⁿ–khí-lâi sī chhit-chhái-ê? Chit-khoân hiān-siōng to̍h kiò-chò goe̍h-hôa, sī tī po̍h-li-si ê hûn lāi-té chha-put-to pêⁿ-tōa-lia̍p ê chúi-chu, sán-seng kng ê liōng-chú le̍k-ha̍k jiàu-siā. Bô-kâng sek ê kng ū bô-kâng ê pho-tn̂g, bô-kâng sek ê kng ê jiàu-siā hiān-siōng mā ē bô-kâng. Goe̍h-hôa sī chin chió-sò͘ iōng ba̍k-chiu to̍h khòaⁿ-ē-tio̍h liōng-chú le̍k-ha̍k sek-kng hāu-èng. Sī-kóng, ji̍t-hôa ū-tang-sî-á mā chin bêng-hián. Chit-tiuⁿ cho͘-ha̍p iáⁿ-siōng sī téng-kò-goe̍h tī Thó͘-chhiⁿ kah Bo̍k-chhiⁿ tōa-sio-tú chêng-kúi-kang hip-ê. Thâu-chêng sī Ì-ta-lī chit-ê kiò-chò Pieve di Cdore ê chng-thâu, i to̍h tī Sfornioi soaⁿ ê thâu-chêng.

[KIP] Gue̍h-huâ kah pinn–á ê Bo̍k-tshinn Thóo-tshinn

SĪ án-ná ū-tang-sî-á, khì hōo hûn tsa̍h-tio̍h-ê gue̍h-niû khuànn-khí-lâi sī tshit-tshái-ê? Tsit-khuân hiān-siōng to̍h kiò-tsò gue̍h-huâ, sī tī po̍h-li-si ê hûn lāi-té tsha-put-to pênn-tuā-lia̍p ê tsuí-tsu, sán-sing kng ê liōng-tsú li̍k-ha̍k jiàu-siā. Bô-kâng sik ê kng ū bô-kâng ê pho-tn̂g, bô-kâng sik ê kng ê jiàu-siā hiān-siōng mā ē bô-kâng. Gue̍h-huâ sī tsin tsió-sòo iōng ba̍k-tsiu to̍h khuànn-ē-tio̍h liōng-tsú li̍k-ha̍k sik-kng hāu-ìng. Sī-kóng, ji̍t-huâ ū-tang-sî-á mā tsin bîng-hián. Tsit-tiunn tsoo-ha̍p iánn-siōng sī tíng-kò-gue̍h tī Thóo-tshinn kah Bo̍k-tshinn tuā-sio-tú tsîng kuí-kang hip-ê. Thâu-tsîng sī Ì-ta-lī tsit-ê kiò-tsò Pieve di Cdore ê tsng-thâu, i to̍h tī Sfornioi suann ê thâu-tsîng.

[English]  A Lunar Corona with Jupiter and Saturn 

Why does a cloudy moon sometimes appear colorful?The effect , called a lunar corona , is created by the quantum mechanical diffraction of light around individual, similarly-sized water droplets in an intervening but mostly-transparent cloud.Since light of different colors has different wavelengths , each color diffracts differently. Lunar Coronae are one of the few quantum mechanical color effects that can be easily seen with the unaided eye. Solar corona e are also sometimes evident. The featured composite image was captured a few days before the close Great Conjunction between Saturn and Jupiter last month .In the foreground, the Italian village of Pieve di Cadore is visible in front of the Sfornioi Mountains.

詞彙學習(漢羅/POJ/KIP/華語/English)

  • 【月華】goe̍h-hôa/gue̍h-huâ/月華/lunar corona(水珠反射/chúi-chu hoán-siā/tsuí-tsu huán-siā)
  • 【月暈】goe̍h-n̄g/gue̍h-n̄g/月暈/lunar halo(冰晶反射/peng-chiⁿ hoán-siā/ping-tsinn huán-siā)
  • 【量子力學繞射】liōng-chú le̍k-ha̍k jiàu-siā/liōng-tsú li̍k-ha̍k jiàu-siā/量子力學繞射/quantum mechanical diffraction of light
  • 【量子力學色光效應】liōng-chú le̍k-ha̍k sek-kng hāu-èng/liōng-tsú li̍k-ha̍k sik-kng hāu-ìng/量子力學色彩效應/quantum mechanical color effects
  • 【日華】ji̍t-hôa/ji̍t-huâ/日華/solar corona
  • 【土星】Thó͘-chhiⁿ/Thóo-tshinn/土星/Saturn
  • 【木星】Bo̍k-chhiⁿ/Bo̍k-tshinn/木星/Jupiter

  1. 阮嘛有 Podcast面冊InstagramTwitter,會逐工 kā 你提醒有新 ê 翻譯 kah 錄音。閣有 YouTube 頻道,有當時仔會出新 ê 影片,緊來追蹤! ↩︎

  2. 本站 ê 介紹 (台語/華語)FAQ (華語) ↩︎

  3. 看無台文?阮讀予你聽!已經錄過 ê 文章 ↩︎

昨昏 ê 圖:腦髓星雲 ê 超新星殘骸 明仔載 ê 圖:渦輪星系 ê 磁場