是「月食」抑是「月蝕」？

Q: 是「月食」抑是「月蝕」？

A: Lunar Eclipse 是「月食」，因為「天狗食月」！

月娘 tī 真短 ê 時間內底，予狗仔食去閣吐出來，會當吐出來 ê 物件當然是「食」。

「蝕」是不可逆反應，而且會造成永久性 ê 傷害。 比論講，河川侵「蝕」、腐「蝕」、「蝕」本。 物件無矣就是無矣，袂閣倒轉來。 傷害已經造成矣，毋管你按怎補償，猶是有傷痕。 這就是「蝕」。

月娘去予天狗食去閣吐出來了後，猶原是規欉好好，to̍h 親像原本遐爾美麗。 按呢當然毋是「蝕」。

Solar Eclipse 嘛仝款！ 是「日食」，毋是日蝕喔！

若是有人寫「蝕」，彼 to̍h 是寫毋著矣！ 若是有字典寫「蝕」，to̍h 是寫字典 ê 人無了解「月食」 ê 奧義！

這是天文學名詞，愛 ùi 天文學 ê 觀點來想，毋管以前 ê 人是寫毋著抑是抄毋著，這馬咱了解伊 ê 意思了後，to̍h 毋通閣寫毋著矣！

閣較濟討論 tī 遮。