2021 年 ê 圖
JWST 太空望遠鏡 當咧去 L2 點 ê 路-lih
這張縮時攝影圖內底，有 JWST 太空望遠鏡 tī 天星滿滿 ê 夜空咧行，這馬拄 ùi 獵戶座頭前行過。伊飛過月球了後，繼續 tùi 伊 ê 終點飛去。
Leonard 彗星 ê 長尾溜
Leonard 彗星是 2021 年上光 ê 彗星。這兩張相片是 tī 智利 Atacama 沙漠 ê 天頂翕 ê，彗星 to̍h tī 這兩張相片 ê 倒爿下跤遐。
木星 ê 大風暴 kah 懸雲
這寡大卵形是 tī 佗位看著 ê？In 是木星表面 leh 轉踅 ê 風暴雲。是頂個月 ùi NASA ê Juno 太空船翕著 ê。
瑞典天頂 ê 日暈
日頭發生啥物代誌？有當時仔伊看起來 to̍h 親像是經過一个足大 ê 透鏡。毋閣這支影片 ê 太陽是迵過幾若百萬 ê 細片透鏡，to̍h 是 冰晶啦！
JWST 太空望遠鏡 ê 發射煙 kah 後壁 ê Leonard 彗星
天頂這兩个光巡，佗一个是彗星？雖罔講 in 看起來攏足成彗星 ê，毋閣較低彼粒才是真正 ê 彗星。
地球頭頂 ê JWST 太空望遠鏡
咱這馬閣有一台新 ê 太空望遠鏡矣！這台叫做 JWST 太空望遠鏡，伊毋若比 哈伯太空望遠鏡 ê 鏡面 大 5 倍以上，而且伊嘛比哈伯太空望遠鏡 提著 ê 紅外線波段影像閣較好。
聖誕彗星 ê 尾溜
這个彗星是 12 月 21 tī Namibia 共和國 烏-mì-mà ê 夜空翕著 ê。這粒彗星叫做 Leonard 彗星 (C/2021 A1)，是今年上光 ê 彗星。
M1：毛蟹星雲
毛蟹星雲 ê 編號是 M1，伊毋是彗星，是 18 世紀 Charles Messier 星表頭一个天體。
三粒行星 kah 一粒彗星
你敢猶閣 leh 替天文學家鬥揣一个袂䆀 ê 禮物？恁遐 ê 夜空若是有夠烏、地平線若是有夠清氣，按呢太陽系可能已經替你買好勢矣。
發射 IXPE 太空天文台
鳥仔袂飛遮爾懸。飛龍機嘛袂飛遮爾緊。自由女神嘛無遮爾重。干焦現代人會當了解發生啥物代誌，1000 年前 ê 人嘛是毋知。
冬節 ê 太陽 kah 銀河
12 月 ê 冬節到矣！這是北半球寒天 kah 南半球熱天 ê 頭一工。夏節、冬節、春分、kah 秋分 這寡季節 ê 天文標記，是按照太陽逐年 tī 黃道面 kah tī 地球天頂 ê 位置來決定 ê。
彗星 kah 火流星
這張相片本底是欲翕彗星。應該是講，這本底是欲翕 2021 年上光 ê Leonard 彗星翕規組 ê。毋閣宇宙總是有伊家己 ê 想法。
意大利天頂 ê 行星排規排
行星排規排毋是巧合。這是因為這寡行星 leh 踅太陽 ê 軌道攏 kah 黃道面差無蓋濟。你若是 úi 黃道面內底看，就親像 tī 地球面頂看仝款，所有 ê 行星看起來 to̍h 敢若排做一排。
Stephan 五重奏
這張引人注目 ê 相片是 ùi 哈伯遺產資料庫提著 ê 影像資料。這个 Stephan 五重奏 是頭一个去予辨識出來 敆做堆 ê 星系群。
北天 ê 雙生仔座流星雨
逐年攏看會著雙生仔座流星雨，tī 流星上濟這幾工，閣翕著金爍爍 ê 雙生仔座火流星。
南方 ê 雙生仔座流星雨
這張相片是 12 月 13/14 tī 烏拉圭南部庄跤 ê 暗暝翕 ê。 火金蛄 to̍h tī 月光下底爍咧爍咧。
天頂 ê Leonard 彗星
Leonard 彗星 tī 天頂看起來是按怎？今仔日 ê 相片是 中國 ê 起源太空公司 ê 仰望一號太空望遠鏡翕 ê。伊毋若翕著彗星，嘛翕幾若个太空現象。
HH 666 天體：龍骨座 ê 塗粉雲柱 kah 噴流
Tùi 一寡人來講，這看起來可能有成一个蜂岫。毋閣實際上，這張相片是哈伯太空望遠鏡翕 ê 宇宙塗粉柱。
冰島天頂 ê 流星 kah 極光
彼粒山後壁是毋是有發生啥物代誌？有啦！彼粒山叫做 Kirkjufell，是冰島西爿 Grundarfjörður 城附近一粒足老 ê 山。
Tī M3 星團頭前 ê Leonard 彗星
Leonard 彗星這馬已經會當直接用目睭看矣！毋閣猶是足暗 ê。伊今仔日離地球上近。
南極來 ê 光批
這个地點袂䆀，離 地球 地理南極 3/4 英里遠 ê 所在，tī 遮會當看著 12 月 4 號 ê 日偏食。
極晝 ê 日食
Tī 北極 kah 南極熱天會拄著極晝，這个時陣 ê 太陽會一直 tī 地平線面頂 24 點鐘無落去。這工是 12 月 4 號，是南極 ê 熱天。
日全食
12 月 4 號 ê 日全食，干焦一寡人看會著，in to̍h 徛 tī 月球 ê 烏影 下底。 這是天體力學 決定 ê，毋是地理邊界決定 ê。
Val Parola Pass 天頂 ê Hale-Bopp 彗星
Hale-Bopp 彗星，是 1997 年 ê 大彗星，因為伊比邊仔 ê 恆星閣較光。伊甚至比市內 ê 電火閣較光。毋閣你若是離開市內 ê 電火，to̍h 會當看著一場足精彩 ê 表演。
19 擺 ê 重力波頻譜圖
逐改若是有兩个烏洞相碰，to̍h 會 tī 宇宙發出足大聲 ê 重力波。人到 7 年前才有法度聽著這个特別 ê 聲，毋閣咱已經 tī 前三輪觀測聽著 90 擺事件矣。
Tī 月球頂懸 ê 太空站烏影
月球面頂哪會有一个奇怪 ê 烏點？ 這是 國際太空站 (ISS) 啦！ 頂個月，為著欲翕著這个 踅地球 leh 行 ê 太空站，時間愛節甲拄拄好。
Tī 世界尻川尾 ê 日全食
昨昏有日全食，毋閣干焦 tī 地球尻川尾才看會著。為著欲翕著這个特別 ê 現象，飛龍機飛到南半球海洋 ê 雲頂翕。
彩色 ê 月光
這張 11 月 18 ê 速翕，月娘 to̍h 敢若去予地球 ê 烏影閘著仝款。Tī Sicily ê 暗暝，原本足光 ê 月娘去予烏雲閘著。
彗星 Leonard kah 海翁星系
這張組合相片是 11 月 24 天光進前翕 ê，這陣 ê 彗星 Leonard (C/2021 A1) 掃過 北天兩个星系之間。
NGC 6822：Barnard 星系
大捲螺仔星系定定會予人注意著。In 少年、光、閣有足媠 ê 藍色星團、kah 成對 ê 捲螺仔手骨。毋過較細 ê 星系嘛是會形成新 ê 恆星，像 厝邊星系 NGC 6822 就是，伊嘛叫做 Barnard 星系。
有藍色布邊 ê 血月
是啥物物件 tī 月食 ê 邊界產生這个藍色 ê 布邊？這个藍色布邊是真的，毋閣真歹看著。
天王星 kah 伊 ê 衛星做伙振動
Tī 天頂彼个 leh 振動 ê 是啥物？彼是一粒足暗 ê 行星，天王星，用目睭直接是看無。
飛馬座 LL ê 特別捲螺仔
是啥物產生 tī 倒爿頂懸彼个奇怪 ê 捲螺仔結構？無人知影。伊 ê 外層氣體去予噴–出來，實在是有成 tī 雙星系統 ê 行星形星雲時期。
彗星 CG 面頂足懸 ê 斷崖
這个遮爾懸 ê 斷崖毋是 tī 行星，毋是 tī 月球，是 tī 彗星。這是太空船 Rosetta tī 彗星 CG 較暗核心 ê 一部份發現 ê。
Messier 101
大閣媠 ê 捲螺仔星系 M101 是 Messier 星表較後尾 ê 天體，毋過毋是上落尾彼个。伊有夠大 ê，有 1 萬 7 千 光年遐爾闊，差不多是咱銀河系 ê 二倍大。
大屈折望遠鏡 kah 月食
11 月 19 這工，烏雲走了後，Lick 天文台 36 吋 大屈折望遠鏡 ê 圓厝頂 to̍h 拍開矣！這个有年歲 ê 望遠鏡 tī 這个時陣指向天頂 ê 偏食月。
地球烏影 ê 交界
地球 ê 中央烏影，嘛叫做本影，是圓 ê。Tī 天頂若是倚地球愈近，這个圓 ê 烏影 to̍h 愈大，若離地球愈遠，這个圓 ê 烏影 to̍h 愈細。
昴宿星團：七姊妹仔星團
你敢捌看過昴宿星團？就算你有看過，你可能毋捌看過遮爾大閣遮爾清楚 ê。
NuSTAR X-光太空望遠鏡翕 ê X-光波段 ê 太陽
是按怎烏子面頂遮爾燒熱？烏子應該愛比太陽表面較冷淡薄仔，因為產生 in ê 磁場會減少對流產生 ê 熱。
摩天大樓面頂 ê 月食
月娘哪會拄仔好 tī 這棟大樓面頂？ 當然是 計畫好勢 ê！ 天文攝影師是真細膩 leh 計畫這个畫面。
來介紹 Leonard 彗星
這粒是 Leonard 彗星。Leonard 彗星 ê 編號是 C/2021 A1，是 tī 2021 年 1 月 離開火星 ê 時陣，去予人發現 ê。
99 葩 ê 月全食
探索宇宙1！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者2為你解說3。 原始文章：An Almost Total Lunar Eclipse 影像來源 kah 版權：
NGC 281: 無星所在 ê 恆星
NGC 281 是 tī 仙后座 ê 方向 1 萬光年遠 ê 恆星形成區。這張狹頻影像是先 kā 可見光 ê 恆星刣掉，才用數位方式疊轉去這張無恆星 ê 影像面頂。
月圓 ê 月光
月圓這工一般來講，應該是月娘上光彼工。 毋閣 tī 11 月 18/19 這工 ê 月圓，因為會有月偏食，大部份 ê 月娘會去予地球閘去，煞變暗。
NGC 3314：星系若是相疊
探索宇宙1！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者2為你解說3。 原始文章：NGC 3314: When Galaxies Overlap 影像來源：NA
雙生仔座 ê 雙生仔流星雨
這寡流星是 ùi 佗位來 ê？按照天頂 ê 方位來看，應該是 ùi 雙生仔座來 ê。這就是是按怎 12 月 ê 流星會叫做雙生仔座流星雨。
Etna 火山面頂 ê 光柱
火山面頂是發生啥物代誌？這个火山光柱實在是真無四常。光柱是日光引起 ê，所以才會 tī 日出 抑是 日落 彼位延伸一管足光 ê 光柱出來。
愛按怎知影天頂彼个光點是啥物？
天頂彼个光點是啥物？這可能是咱定定 ê 問 ê 問題。若是有，而且若是你蹛 tī 市區，按呢彼个可能是飛龍機。
Rosetta 任務 ê 彗星這馬 tī 雙生仔座
6.4 年會轉來一擺 ê 週期性彗星 67P tī 11 月 7 號去予這支望遠鏡翕著。彗星 ê 塗粉尾溜掃過背景 ê 雙生仔座恆星，伸 tùi 正爿頂懸 ê 雙生仔座 υ 遐。
M33：三角星系
這个較細 ê 北方星座 三角座 內底有這个壯麗 ê 正向捲螺仔星系 M33。伊較有名 ê 名是 風吹星系 抑是 三角星系。
NGC 1333：英仙座 ê 恆星托兒所
NGC 1333 tī 可見光會當看著 反射星雲，主要是星際塗粉反射恆星 ê 藍色特徵光。
青色爍光 ê 影片
逐家攏叫是講，這是一个神話。嘛有一寡人想講這是真 ê，毋閣毋知影這个現象是按怎來 ê。探險家若是看著是會足驕傲 ê。這其實是 ùi 太陽來 ê 青色爍光。
這寡太空影像攏是假 ê，干焦一張是真 ê
咱敢需要一个假 ê 宇宙？嘛是有需要啦！為著欲予咱閣較了解咱真正 ê 宇宙。
Ùi 太陽噴出來 ê 太陽絲
是按怎有當時仔會有物件 ùi 太陽大氣層噴到太空去？這是因為迵過太陽表面 ê 磁場產生變化。
光學波段 kah X-光波段 ê 貓眼星雲
Tùi 一寡人來講這看起來敢若是貓咪 ê 目睭。毋閣其他人可能會感覺這是一粒 tī 宇宙 ê 大型海螺殼。伊實際上是一粒咱熟似 ê 行星形星雲。
兩个朋友中央 ê 星系
8 月 ê 一个暗暝，有兩个朋友 peh 到 Alps 山 tī 法國這爿 ê Plateau d’Emparis 山了後，to̍h 踮遮 享受這个風景。
Tī 仙王座方向 ê 烏暗海馬星雲
這个 tī 背景有足濟恆星嘛足光 ê 所在，有這个因為外形去予人號名做 海馬星雲 ê 天體，伊差不多有 1 光年闊。
NGC 147 kah NGC 185
矮星系 NGC 147 (倒爿) kah NGC 185 tī 這幅望遠鏡畫面內底徛相倚。這兩个毋是 離咱有 250 萬光年遠 ê 大捲螺仔 - 仙女座星系 M31 定定講著 ê 衛星星系。
馬頭星雲 kah 火舌星雲
馬頭星雲是天頂一个足有名 ê 星雲。這个馬頭形看起來是烏 ê，這是因為伊是一塊袂透光 ê 塗粉雲，to̍h chhāi tī 較光 ê 發射星雲頭前。
超新星安魂曲：到今已經出現三擺 ê 超新星
咱已經看著這粒超新星三擺矣！毋知當時會看著第四擺？一粒遙遠 ê 恆星變做超新星爆炸了後，咱若是運勢袂䆀，to̍h 會看著伊一擺。
水沖 kah 銀河
這个水沖是 tī 中國東爿 羅霄山脈 ê 珠簾瀑布。咱銀河系 ê 中央帶 迒過天頂，現出足濟 暗塗粉雲絲 kah 多彩 ê 星雲。
模擬宇宙 ê 暗物質
咱 ê 宇宙是毋是有足濟好兄弟？這張暗物質圖 看起來可能是按呢。這个看袂著 ê 暗物質 產生 ê 重力，to̍h 是目前用來解說這寡現象 ê 主要理路。
Rorschach 墨跡 ê 極光
你若是 kā 這張看做怪物 ê 面，千萬毋通驚惶！ 這只是幻想性錯覺，一般人 ê 經驗攏是 ùi 光 kah 影 ê 花樣看著人 ê 面。
Kah 仙王座閃焰 相濫
這寡幽靈形體 浮 tī 皇家星座 仙王座 ê 夜空，kah 厚塗粉、寬闊 ê 星雲濫做伙。是講，這款形體是宇宙塗粉雲 去予 較暗 ê 恆星反射光 照–出來 ê。
Mirach ê 幽靈
若是講著鬼，Mirach ê 幽靈 敢若無遐爾恐怖。Mirach ê 幽靈 是一个暗暗霧霧 ê 星系，拄仔好 kah 一粒足光 ê 恆星 Mirach ê 視線方向 giōng-欲仝。
NGC 6995：夜婆星雲
你有看著夜婆星雲無？ 伊 to̍h tī 面紗星雲 東半爿 ê 宇宙特寫 出現。 面紗星雲 本身是一个大型超新星殘骸。
轉踅 ê 木星
咱來看咱太陽系 上大粒行星 leh 轉踅 ê 美麗模樣。木星神祕 ê 大氣有足濟趣味 ê 特徵，比論講暗帶 kah 光區，咱會當用較濟時間來 kā 伊了解一下。
迵 tùi 銀河中心 ê 路
這條迵 tùi 咱銀河中心 ê 路敢會迵過 紀念碑谷？無一定愛！毋閣若是會，to̍h kā 翕一張相。
萬聖節 kah 鬼頭星雲
萬聖節 ê 起源 kah 天文有關，自古早時代 to̍h 開始矣。自西元前 5 世紀開始，萬聖節 to̍h 是用來慶祝換季彼工。毋閣用現代曆日來看，雖然萬聖節是後禮拜，真正 ê 換季日是閣後一禮拜。
3D ê Bennu 小行星
Kā 你 ê 3D 目鏡提來囥 tī 小行星 101955 Bennu 面頂。這个小小 ê 太陽系世界 kan-na 是干樂仔，粗耙耙 ê 表面有落甲規四界 ê 大粒石頭。
彗星 kah 毛蟹星雲
這幅美麗 ê 相片是 tī 金牛座 ê 方向翕 ê，視野內底有滿天 ê 天星。你會當 tī 正爿頂懸看著一个霧霧反紅 ê 天體 Messir 1 (M1)，伊嘛叫做毛蟹星雲。
SH2-308：海豬仔頭星雲
這个宇宙氣波去予大質量恆星 ê 高溫、高速恆星風吹 kah 遮爾大。伊去予編做 SH2-308，tī 大犬座方向 5000 光年遠 ê 所在，比一粒月娘 tī 天頂 ê 寸尺閣較闊。
Lucy 太空船欲去探索 8 粒小行星
Lucy 計畫是想袂 ùi 這馬踅木星 leh 行 ê Juno 太空船，搜揣 ùi 木星無一定揣會著 ê 太陽系起源 ê 線索。
Palomar 6：球形星團
這粒恆星大球是按怎來 ê？Palomar 6 是 咱銀河系留落來 ê 200 个球形星團 ê 其中一个。這款球形恆星球是比咱 ê 太陽閣較老，嘛比咱銀河系內底大部份恆星閣較老。
Sicily 島天頂 去予地光反照 ê 月娘
是按怎咱有法度看著規粒月娘？月娘 tī 月眉相彼陣，干焦一部份直接去予太陽照著。賰 ê 部份會發光，是因為地球光 ê 反照。這嘛叫做地光 抑是 da Vinci ê 光。
愛因斯坦十字 ê 重力透鏡
大部份 ê 星系有一粒核心。毋閣這个看起來有四粒？這个奇怪 ê 現象予天文學家認定講，這个星系 ê 四粒核心根本 to̍h 是假 ê。
月-nā Lí-sà
這幅有創意 ê 視覺作品內底，攏是 tī 地球天頂看著 ê 月娘 ê 自然色。遮 ê 月盤攏是 tī 無仝時間翕好了後，才 kā in tī 畫框內底一格一格排予好勢。
NGC 289：南天 ê 捲螺仔旋
Tī 7000 萬光年遠 ê 所在，有一个華麗 ê 捲螺仔星系 NGC 289，伊比咱 ê 銀河系閣較大。
NGC 7293：捲螺仔星雲
Tī 水瓶座方向 700 光年遠 ê 所在，有一粒 類太陽恆星 已經行到性命上尾 ê 坎站矣。伊 tī 上尾幾若千年 ê 時間內底，產生了 捲螺仔星雲 (NGC 7293)。
NGC 7822：宇宙 ê 問號
這看起來敢若是一个大型 ê 宇宙問號。毋閣上大 ê 問題是欲按怎 ùi 較光 ê 氣體 kah 較暗 ê 塗粉 來解說星雲 ê 恆星形成歷史。
Louise 湖天頂 ê 火流星
火流星是按怎會遮爾光？咱愛先知影火流星是異常明亮 ê 流星。國際天文聯合會 kā 比 視星等 -4 閣較光 ê 流星，定義做火流星。
Juno 太空船 飛過 木衛三 Ganymede kah 木星
飛過太陽系上大粒衛星毋知是啥款？Tī 六月 ê 時陣，Juno 機器人太空船飛過木星 ê 大粒衛星 Ganymede。
月圓 ê 剪影
你敢捌看過月出？這是 tī 月圓時，月娘 ùi 晴和 ê 地平線沓沓仔 peh-起來 ê 景色。可能會予你印象足深 ê。
50 光年遠 ê 飛馬座 51
飛馬座 51 離咱 kan-na 50 光年遠爾爾。天文學家 Michel Mayor kah Didier Queloz 用精確 ê 光譜儀揣著 飛馬座 51 有 一粒行星踅伊 leh 行。
英仙座 ê 雙星團
這个 tī 北方英仙座 ê 美麗星場有 3 粒月娘遐爾闊（1.5 度闊）。內底有足有名 ê 開放星團，英仙座 η kah χ。
NGC 6559：Tī 內海仔星雲東爿
若是 kā 你 ê 望遠鏡徙 tùi 內海仔星雲 ê 東爿，你 to̍h 會 tī 銀河中心揣著這个星雲複合體 NGC 6559。
M43：獵戶座流
獵戶座星雲內底 ê 烏暗塗粉流是按怎產生 ê？M43 是獵戶座分子雲複合體 ê 一部份。伊定定出現，毋閣較罕得予人知影。顛倒是伊邊仔 ê M42 較有名。
南極 ê 日出
南極 ê 日出是有較無仝。連紲幾若個月 ê 暗暝，紲落來是連紲幾若個月 ê 日時。這个極地日出 peh–起來 ê 時陣，戴一頂發青光 ê 帽仔。
NGC 4676：雙鼠星系相碰 ê 時陣
這兩个巨型 ê 星系互相 kā 對方搝開。Kā 叫做「鳥鼠」是因為 in 攏有長長 ê 尾溜。是講兩个捲螺仔星系敢若已經互相迵過矣。
全像原理 kah 3D 茶鈷
無毋著！你會當看著 2D ê 四角形色彩。毋閣你敢會當看較深 leh？2D 圖內底可能有一个 3D ê 茶鈷。
光 kah 厚塗粉 ê 夜空
毋管是 tī 地球北半球抑是南半球，黃道光 ê 光弧若是 kah 地平線 相切 ê 角度傷崎，伊 tī 春分彼陣日落了後（抑是秋分彼陣日出進前）to̍h 會變足明顯 ê。
Tī 銀河中心 ùi 內海仔星雲 kàu 薰吹星雲
這个恆星景色內底有烏暗 ê 雲斑 kah 彩色 ê 雲彩。In ê 外形看起來 to̍h 親像是薰吹 kah 碗，所以這个暗星雲才會去予叫做薰吹星雲。
M33 ê 水素雲
M33 嘛叫做三角星系，tī 300 萬光年遠 ê 所在，是本星系群主要 ê 成員之一。
你敢捌看過巨型爍爁噴流？伊實在是真罕得看著，毋閣伊 ê 能量足強 ê，是一款爍爁 ê 放電現象，是這世紀才予人發現記錄著 ê。
英仙座流星雨之夜
你敢捌看過流星雨？這支影片 to̍h 是欲 tī 英仙座流星雨上濟彼工見證這个奇蹟。這是 tī 印度 Hanle ê Himalaya 山脈 ê 印度天文台翕 ê。
敨開五十年前 ê 月球自翕
這是五十年前阿波羅 11 號 tī 1969 年降落 tī 月球了後翕 ê 一張上有名 ê 月球相片，毋閣是數位處理了後顛倒反 ê 結果。
紅四角星雲
是按怎球形 ê 恆星會產生這款四角星雲？無人確定。星雲 ê 中央這粒叫做 MWC 922 ê 恆星，可能是多恆星系統 ê 一部份。
氣波星雲 kah 星團
這幅圖看起來，正爿 ê 氣波星雲 NGC 7635 to̍h chhāi tī 開放星團 M52 中央，這个宇宙組合實在是拄拄仔好。
Tī Westmeath Lookout 看著 ê 英仙座流星雨大爆發
Tī 這場予人讚嘆 ê 英仙座流星雨大爆發內底，有詳細紀錄著 282 粒英仙座流星 ê 軌跡。
豐收之月 ê 軌跡
這粒豐收之月 ùi 天色拄暗彼陣 peh–起來，一直peh 到 Newport 橋面頂，煞拖一條寬闊 koh 溫暖色調 ê 光巡。
自旋地球 ê 秋分 kah 春分
地球這條暗暝 kah 日時交界 ê 線當時會變做坦徛 ê？To̍h 是今仔日啦！今仔日是地球 ê 秋分，是一冬內底日時 kah 暗暝差不多平長 ê 時陣。
山頂 ê 太陽烏子
太陽盤有揣著 5 粒烏子，這 ùi 過去幾若冬 ê 太陽活動來看，tī 太陽活動極小期 有 5 粒烏子實在是足濟 ê。因為有足濟工根本 to̍h 揣無烏子。
Lynds 暗星雲 1251
恆星 tī Lynds 暗星雲 (LDN) 1251 內底產生。伊是暗星雲複合體 ê 一部份，tī 仙王座閃焰區 ê 方向揣會著。
土星環 kah 土星 ê 季節
土星 ê 環會當予咱知影土星 ê 季節。地球台灣時間這禮拜四是秋分。這工，地球赤道是趨 tùi 太陽去。
Rubin ê 星系
UGC 2885 kah 銀河系直徑 10 萬光年來比，差不多有 80 萬光年闊，有 1 兆粒恆星遐爾濟。差不多是銀河系內底恆星 ê 10 倍濟。
影片：木星 ê 爍光
幾若工前，幾若个團隊 leh 監看太陽系 上大粒行星 ê 時陣，注意著 2 秒鐘長 ê 光爆現象。
北美洲星雲 kah 鵜鶘星雲
NGC 7000 敢若是一塊大陸 ê 外形，予伊提著這个有名 ê 名，北美洲星雲。正爿拄仔好是北美洲星雲 ê 東岸，嘛叫做 IC 5070。
地球面頂 ê 氣旋路線
地球面頂 ê 氣旋是攏按怎 leh 行？這幅圖是 ùi 1985 年 到 2005 年 所有主要 ê 風暴路線。
好奇號翕 ê 火星 360 度全景圖
9 月初，好奇號機器人探測車繼續揣閣較濟古早時代 ê 水 ê 線索，kah 未來火星是毋是會當提供生物生存 ê 證據。
夜空 ê 反射
這張相片是南半球 ê 暗暝，夜空內底有三个足光 ê 星系實在是真好揣。
冰島天頂 ê 捲螺仔極光
天頂發生啥物代誌？是極光啦！這个極光是 tī 2015 年翕 ê。因為伊遮爾光 koh 發展遮爾緊，才會予冰島人注意著。
土星 ê 暗暝
毋閣這个遮爾美麗 ê 土星環 kah 土星暗暝，是無可能 tī 倚太陽這爿 ê 望遠鏡翕著，是愛 ùi 另外彼爿才有法度翕。
Rosetta 任務 ê 彗星
這張望遠鏡影像內底 足暗 ê 彗星 67P，ùi 9 月 7 號開始掃過金牛座 ê 背景星 kah 閣較暗 ê 遠方星系。
M16 ê 特寫
M16 嘛 叫做鴟鴞星雲，是一个干焦 2 百萬歲 ê 少年星團，邊仔去予塗粉 kah 發光氣體 ê 新生雲 圍–leh。
仙女座星系 ê 深空
是啥物 kā 仙女座星系圍–leh？Tī 太空中，仙女座 (M31) 去予幾若个較細 ê 衛星星系 kā 圍–leh。
NGC 520：哈伯翕 ê 相碰星系
遮爾濟 ê 恆星、氣體、kah 塗粉 tī NGC 520 攪攪做伙，予人認為講，這內底應該是摻著兩个無仝 ê 盤形星系 ê 殘骸。
露西亞天頂 ê 銀河 kah 火金蛄
這个構圖是欲翕一欉松柏 kah 背景 ê 銀河系中央帶。多彩 ê 恆星，背景 ê 光點，閣看會著倒爿面頂 足光 ê 牛郎星。
地球 kah 月球
這个上壯觀 ê 景色是差不多 tī 30 年前，彼陣欲去木星 ê 加利略太空船拄飛過咱 ê 行星系統。
獵鷹 9 號星雲
這是 SpaceX 獵鷹 9 號火箭發射 3 分鐘了後翕 ê。伊當咧執行 CRS-23 任務。
NGC 7023：尾蝶花星雲
這个深空望遠鏡影像展示 ê 尾蝶花星雲 ê 色光 kah 對稱性，to̍h 去予邊仔 ê 星際塗粉箍 tī 內底。
M51：渦輪星系
Kā 你 ê 望遠鏡 tùi 西南爿徙一屑屑仔，你 to̍h 會看著這對予人讚嘆 ê 交互星系，to̍h 是彼个有名 ê Charles Messier 星表第 51 號。
跳舞 ê 幽靈：活跳星系 ê 彎曲噴流
是按怎星系發射噴流看起來敢若幽靈？而且，是按怎 in 看起來敢若 leh 跳舞？
奢颺 ê 藍月
這張用望遠鏡 tī 月圓時翕 ê 多彩月景，是刁故意 kā 本來 to̍h 看會出差別 ê 色彩調甲差足濟 ê。
西 Virginia 州 ê 火虹
這个雲是發生啥物代誌？伊 ê 環地平線弧 kah 地平線 平行，外形敢若是火舌仝款，所以有人私底下 to̍h kā 叫做 火虹。
潛在威脅小行星 ê 軌道
小行星敢會危險？有一寡會。毋閣毋管是佗一年，大部份危險 ê 小行星挵著地球 ê 機會是足少 ê。
火星岩石 Rochette
這張清楚 ê 影像，是火星任務第 180 工火星日（8 月 22）用毅力號探測車 ê 避障 kha-mé-lah 翕外口 Jezero 隕石坑內底落甲規四界 ê 岩石。
象管星雲 kah 宇宙車隊
象管星雲 to̍h tī 懸閣遠 ê 仙王座 遐，彎彎曲曲迵過發射星雲 kah 少年星團 複合體 IC 1396。
藍色時間 ê 月圓
翕風景 ê kha-mé-lah sàng kah 地球其他迷眾攏 leh 等 這个藍色時間。地景 kah 天景 to̍h 浸 tī 這个美麗 ê 紺色內底。
Tī 太陽系內底落一粒球
這个動畫顯示 tī 太陽系 ê 天體面頂，假設無空氣阻力 ê 影響，若是有一粒球 ùi 表面 1 公里懸 ê 所在落-loài，會是按怎。
PDS 70 ê 行星盤、行星、kah 衛星
這个大行星盤毋是上出名 ê。踅恆星 PDS 70 ê 大行星形成盤 ê 影像遮爾清楚 koh 遮爾趣味。
Abell 3827：互食星團 ê 重力透鏡
探索宇宙1！逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者2為你解說3。 原始文章：Abell 3827: Cannibal Cluster Gravitational Lens 影像來源
白矮星 蛇夫座 RS 爆炸
蛇夫座 RS ê 雙星系統到今猶繼續產生壯麗 ê 爆炸現象，差不多 20 年一改。
三重凌木現象 kah 互食事件
Ùi 地球 ê 角度來看，加利略衛星會閘來閘去、食來食去。 這款現象 6 年出現一改，差不多是 木星 tī 伊春分附近 ê 時陣 會當看著。
三暗 ê 英仙座流星
這是用 kha-mé-lah kā 三工無月娘厚恆星 ê 暗暝翕 ê 相片合成 ê 夜景。
足光 ê 流星 kah 恆星滿滿 ê 夜空
這个足光 ê 英仙座流星，用一秒鐘 60 公里緊 ê 速度，ùi 地球大氣犁過。伊 ê 軌跡，綴這个有足濟恆星 ê 銀河 leh 行。
環形星雲 ê 環
環形星系 (M57) 比你 ùi 細台望遠鏡看著 ê 閣較複雜。上明顯 ê 中央環差不多有 1 光年闊。
M57：哈伯翕 ê 環形星雲
除了土星環，環形星雲 (M57) 嘛是足有名 ê 環形天體。這張最近翕 ê 影像，是這个擴散星雲 ê 3-D 結構。
英仙座流星、紅色精靈、kah 新星 蛇夫座 RS
這寡現象攏 tī 仝一暗、仝一个夜空翕著。這个無四常 ê 夜空 to̍h tī 墨西哥 Zacatecas ê 天頂。
英仙座流星雨
彗星塗粉頂禮拜落 tī 地球。這个逐年攏有 ê 英仙座流星雨，kā 咱 ê 夜空劃幾若巡。
島宇宙 kah 宇宙沙
這是 tī 逐年攏有 ê 英仙座流星上濟彼陣看著 ê。流星光 ùi 倒爿下跤行到正爿頂懸。
完美 ê 捲螺仔星系
M74 這个華麗 ê 正向星系，是一个有幾十億粒恆星 ê 島宇宙，離咱有 3200 萬光年遠，to̍h tī 雙魚座 ê 方向。
美麗 ê 三裂星雲
這个美麗 ê 三裂星雲嘛叫做 M20，離咱有 5000 光年遠，tī 厚星雲 ê 人馬座方向遐。
Saskatchewan 省天頂 ê 奶仔雲
雲底當時看起來會親像氣泡？一般來講，雲底是平 ê。若是拄著一寡狀況，to̍h 會產生有大粒水滴抑是冰滴 ê 雲橐仔。
太空 ê 火
火 tī 太空看起來是按怎？若是有地球重力 ê 影響，加溫氣體 to̍h 會 peh-升、脹大，予火舌變做淚珠形。
英仙座 kah 無去 ê 流星
啥物是看流星雨上好 ê 方式？這个問題可能 tī 這禮拜 to̍h 愛知影矣。因為一年一改 ê 英仙座流星雨 上濟 ê 時陣 to̍h 隨欲來矣。
Tī 下底 ê 英仙座流星
Tī 地球 ê 人通常是攑頭看流星雨。毋閣太空人 Ron Garan tī 2011 年 8 月 13 翕 ê 這張出眾 ê 相片，是 àⁿ-頭看 ê 英仙座流星雨。
Jezero 隕石坑：3D ê 山龍
這个 3D 彩色影像是 tī 7 月 24，火星獨創號直升機第十改 tī 這粒紅色行星面頂飛 ê 時陣翕 ê。
南冕座 ê 恆星 kah 塗粉
這幅望遠鏡影像內底，宇宙塗粉罩 tī 有足濟恆星彼搭，to̍h tī 南冕座，澳洲王冠 ê 北方邊界附近。
隕石坑 Tycho kah Clavius
這張詳細 ê 望遠鏡影像，是月球南部彎彎曲曲 ê 高地。有少年嘛有老 ê 大隕石坑 Tycho kah Clavius。
EHT 解析半人馬座 A 烏洞 ê 中央噴流影像
超大質量烏洞是按怎產生能量足強 ê 噴流？為著欲揣著這个答案，EHT 望遠鏡 kā 厝邊活跳星系，半人馬座 A，ê 中央區顯像出來。
英仙座火球 kah 銀河
這个爍青光 ê，to̍h 綴銀河 ê 方向 leh 走。伊留一條尾溜，愛 30 分鐘才會無去。
有光有聲 ê 哈伯深空視場
你敢捌聽過哈伯深空視場？毋管你捌抑是毋捌，你可能毋捌聽過這款 ê。請你 tī 這幅影像面頂徙動你 ê 滑鼠，來聽看覓 leh！
強化色彩 ê 冥王星
冥王星 ê 色彩是比咱看著 ê 閣較濟。伊是咱太陽系上有名 ê 矮行星。
愛會記得 NEOWISE 彗星
這是舊年七月才翕 ê。你若是有看著北斗星，你 to̍h 會當 tī 你 ê 夜空揣著 NEOWISE 彗星。
土星光下 ê 土衛一 Mimas
有半爿面一直面對土星 ê 土衛一 Mimas，to̍h ùi 烏影彼爿 kā 咱睨。
鬱金香星雲 kah 天鵝座 X-1
這个星雲一般是叫做鬱金香星雲。Tī 中央面頂上光 ê 發光雲是 ùi 星際氣體 kah 塗粉來 ê。
環星系 AM 0644-741
正爿 ê 大型藍色星系外沿彼輾是一个 直徑 15 萬光年闊 ê 巨型環形結構。伊內底有新形成、足光 ê 大質量恆星。
Fleming 三角精靈
這个交纏 ê 雲絲是 ùi 衝擊波形成 ê 發光氣體。伊 to̍h tī 地球夜空 ê 天鵝座方向看會著，是面紗星雲 ê 一部份。
CG4：破去 ê 彗星雲球
氣體敢有法度 kā 星系掠著？這張相片內底奇怪「生物」ê「跤爪」是一个叫做彗星雲球 ê 氣體雲。
月眉形 ê 海王星 kah 海衛 Triton
航海家 2 號太空船恬恬仔飛過外部太陽系，伊 ê kha-mé-lah 煞同齊翕著 海王星 kah 海衛一 Triton ê 月眉月相。
太空 ê 邊界
太空是 ùi 佗位開始算？若是欲講太空旅行，按呢太空 to̍h ùi Karman 線開始算，to̍h 是 100 公里懸 ê 所在。
象、夜婆、kah 花枝
Tī 北方星座 仙王座 ê 方向 這个 10 度闊 ê 視場內底，有湠開 ê 發射星雲 IC 1396 kah SH2-129 相濫 ê 發光星際氣體，kah 塗粉烏雲。
NGC 7814：有超新星 ê 細頂草帽仔星系
Kā 你 ê 望遠鏡 tùi 飛足懸 ê 飛馬座看，你會當看著咱這个環闊銀河系 ê 恆星 kah 遙遠 ê 星系。
彩色 ê 色光：環形星雲 kah 邊仔 ê 恆星
毋知你敢會當看著這个環面頂所有 ê 色光 kah 所有 tī 伊邊仔 ê 恆星？這馬有技術做會到。
雷神 Thor ê 頭盔
咱一般攏 kā NGC 2359 叫做 雷神 Thor ê 頭盔。伊是一个帽仔形 ê 宇宙雲，閣有兩支翅股。
樹林仔內底 ê 夜景：銀河 ê 窗仔門
這位 kha-mé-lah sàng kā 這个去予樹林仔箍起來 ê 窗仔門景色，kah 遠方 ê 天景組合做伊心內 ê 構圖。
仙女座星系 ê 紫外光影像
仙女座星系 tī 紫外光看起來是啥款？伊 ê 星系中心主要是少年藍色恆星 leh 踅。
Alphonsus kah Arzachel
Eng-暗，kā 你 ê 望遠鏡提來看頂月眉。你可能會揣著兩个足大 ê 隕石坑，敢若是貓頭鳥 leh kā 你睨。
月光下 ê 愛神 kah 戰神
金星，是用羅馬 ê 愛神號名 ê。火星，to̍h 是戰神 ê 意思。In kah 月光 to̍h 做伙 tī 這个安靜 ê 天景內底。
天蠍座 ê 烏塔
Ùi 這个尾溜有足-kheh ê 星場 ê 蛛形星座 天蠍座 ê 剪影來看，這个宇宙塗粉雲予人聯想到一个 不祥 ê 烏塔。
GW200115：烏洞 kah 中子星合併 ê 模擬動畫
烏洞若是毀滅中子星，毋知會發生啥物代誌？分析指出，這款現象會產生重力波事件。
土星 ê 衛星 Iapetus：3D ê 彩繪衛星
土星 ê 衛星 Iapetus 是發生啥物代誌？這个奇怪 ê 世界有足濟部份是較暗 ê 咖啡色，其他部份是較光 ê 白色。
M27：啞鐘星雲
咱 ê 太陽 紲落來會變做啥物？ 咱太陽 ê 未來，頭一个暗示 tī 1764 年 to̍h 有人無意中揣著矣。
來揣月娘
月娘 tī 佗位？伊 to̍h 藏 tī 相片內底。這馬拄仔好是十五暝，這規粒月娘應該是足好揣 ê。
水星 kah Da Vinci ê 光
七月 8 號透早起床 ê 人，會當 tī 東爿地平線彼搭 ê 月娘附近看著水星。
M82：有星系風 ê 星爆星系
M82 內底爆發 ê 恆星形成運動，有連紲 ê 超新星爆炸 kah 大質量恆星強力 ê 恆星風，才會產生這个巨型噴流。
Ùi 近日點 kàu 遠日點
2021 年 ê 遠日點 發生 tī 7 月 5 號。 彼是地球長株圓軌道面頂，離太陽上遠彼點。
飛入去獵戶座 ê 紅外線影像內底
咱若是飛入去獵戶座內底會看著啥物？這个動態視覺化影片，是用真正 ê 天文觀測資料，配專業 ê 電影渲染運算技術做出來 ê。
土星 kah 伊 ê 六粒衛星
土星有幾粒衛星？這馬已經揣著 82 粒矣。上細粒 ê 根本無夠一公里闊。
IC 4592：藍色馬頭反射星雲
你敢有看著馬頭？毋閣你看著 ê 毋是 tī 獵戶座內底彼个有名 ê 馬頭星雲，是一个閣較暗 ê 星雲。
火星 ê 人面
雲若是城堡，敢袂感覺真趣味？房間內底 ê 椅仔面頂洗好 ê 衫若是超級英雄，敢袂感覺真趣味？
綴銀河行
你袂當踮銀河面頂行。毋閣你會當 tī 這个烏墨墨 ê 夜空內底認捌伊。
AR2835：色球層內底 ê 島嶼
太陽表面上光彼層是色球層，內底 ê 太陽烏子 kah 行星欲平大。
毅力號 kah 獨創號 ê 自翕
Tī 火星日第 46 工（2021 年 4 月 6 號），毅力號探測車 tī 火星伸出一支機器手骨自翕。
電腦模擬：第一批恆星 ê 形成
為著欲揣著這个答案，才有有這个 SPHINX 電腦模擬來解說 tī 早期宇宙 ê 恆星形成過程。
獵戶座星雲：哈伯影像
真少宇宙景色 kah 獵戶座星雲仝款，會當激發咱 ê 想像力。伊嘛叫做 M42。
紙月娘 ê 日食
這看起來敢若是紙糊 ê 月娘 ùi 帆布做 ê 太陽頭前航行過。
Tī 土星跳舞 ê 極光
是啥物驅動土星 ê 極光？為著欲揣著這个答案，科學家 kā 幾若百張 Cassini 太空船為著別款目的翕 ê 土星紅外線影像排排咧。
太陽 ê 烏點
這兩張圖是 ùi 鬥有水素 alpha 濾鏡 ê 安全太陽望遠鏡 ê 錄影影像組合來 ê。
孤張感光 ê 仙女座星系
你會當看偌遠？離咱有 250 萬光年遠 ê 仙女座星系，是咱直接用目睭 to̍h 看會著 ê 上遠 ê 天體。
Messier 99
這个有偉大設計 ê 捲螺仔星系 Mesier 99，ùi 真正 ê 宇宙尺度來看，實在是真壯觀。
STARFORGE：恆星形成 ê 電腦模擬
恆星是按怎製造出來 ê？大部份是 tī 星系盤中心 ê 大型分子雲內底形成 ê。
HD 163296：恆星形成過程產生 ê 噴流
恆星形成 ê 時陣是按怎產生噴流 ê？無人有答案。雖然講少年恆星系統 HD 163296 最近 ê 影像敢若有揣著一寡希望。
哈伯太空望遠鏡翕 ê 肚胿仔星系
是按怎這个星系有遮爾長 ê 尾溜？這張予人讚嘆 ê 遠景是哈伯遺產資料庫 ê 影像。
Tī Stonehenge 天頂 ê 日出夏至
今仔日太陽行到地球上北爿 ê 天頂。這个點 to̍h 叫做至點。Tī 真濟文化內底，這工開始換季。
北方熱天 ê 微光天色
Tī 北方愈倚夏至，暗時 to̍h 愈短，日時 to̍h 愈長。夜光抑是夜光雲會開始出現，這 tī 懸緯度熱天 ê 時，定定會看著。
火環日食 ê 惡魔角
這个 tī 六月 10 號 翕 ê 大西洋日出望遠鏡影像，是因為大氣反射 kā 太陽盤面搝平 kah kā 伊 ê 外形扭曲 ê。
NGC 6888：月眉星雲
NGC 6888，又閣叫做 月眉星雲，ùi 中心明亮大質量恆星 歕出來 ê 恆星風，差不多有 25 光年闊。
天蠍座 ê 強化影像
若是 天蠍座 用目睭直接看 to̍h 遮爾媠，人類 to̍h 會 tùi 伊較有印象。 天蠍座較有名 ê 部份是 tī 黃道 星座 彼幾粒較光 ê 恆星，毋閣 in 較少去予人注意著。
祝融號：火星面頂 ê 新探測車
火星這馬有新 ê 探測車矣。 Tī 五月中，中國 ê 天文一號 任務 kā 祝融號探測車 送到 紅色行星。
Juno 太空船翕 ê 木衛三 Ganymede
這个太陽系內底上大粒 ê 衛星看起來是按怎 ê？這是木星 ê 衛星 Ganymede，比水星 kah 冥王星閣較大。
德州天頂 ê 超級胞雷暴
彼敢是雲？抑是外星人 ê 太空船？這是一个異常、有當時仔閣真危險 ê 暴雷雲，to̍h 叫做超級胞。
水上日食
「食」ê 出現是成對 ê。 一年會出現兩改，發生 tī 食季，一季 差不多 34 工，彼當陣太陽、月球、kah 地球差不多排仝排。
飛過日食
Tī 6 月 10 號，月球 ùi 太陽面頭前行過。這工拄仔好是月球經過遠地點 ê 兩工後，to̍h 是伊行到長株圓軌道上遠彼陣。
圓形 ê 日暈
你敢有想欲看著 kā 太陽箍牢 ê 環？Tī 全世界 ê 日時欲看著這个景色，攏是真簡單 ê 代誌。
月全食 ê 月華
這粒月娘看起來足奇怪欸！ 這暗是十五暝，毋閣今年這个時間，又閣叫做 花月。
Ùi Juno 太空船 看著 ê 木星雲 ê 面
你 tī 木星雲敢有看著啥物？有一个面 tī 遮，偏名叫做 Jovey McJupiterFace，木星面。
仙后座內底一个足光 ê 新星
這粒叫做 Cas 2021 抑是 V1405 Cas ê 新星，頂個月 tī 地球 ê 天頂變足足足光 ê，光到直接用目睭 to̍h 看有。
扭曲 ê 日出帶食
是哩！毋知你敢捌看過這款 ê 日出？這个去予大氣紅化 ê 太陽，伊頂懸附近 ê 烏色圓盤是月球，毋閣下跤彼个尖尖 ê 烏影嘛是。
Tī 火星閃爍 ê 雲
這是 ùi 火星好奇號探測車 ê Mast kha-mé-lah 翕 ê 相片。Chhāi tī 前景 ê 是 已經風化–去 kah 有一重一重 ê Mercou 山。
血色 ê 魔月
Tī 五月 26，這个孤張 ê 感光，翕著出現 tī 地球烏影後壁 ê 花月。透早拍殕光 ê 天色，嘛開始 tùi 西爿 ê 天空沖過。
半人馬座 Omega
球形星團 半人馬座 Omega 嘛叫做 NGC 5149，離咱有 15,000 光年遠。這个星團內底差不多有 1 千萬粒比太陽閣較老 ê 恆星，to̍h 櫼 tī 直徑 150 光年闊 ê 範圍內底。
有恆星、氣體、kah 磁性 ê 銀河中心
咱 ê 銀河中心是發生啥物代誌？為著欲揣出這个答案，一个新 ê 用 電波 kah X-光波段翕 ê 詳細全景組合圖。
行過獵戶座頭前 ê 衛星
這寡迵過獵戶座 ê 光巡是啥物？大部份是一堆踅地球運行 ê 星鏈衛星反射太陽光產生 ê。
Mimas：有大隕石坑 ê 細粒衛星
這是 土星 一粒上細粒 ê 球形衛星面頂，其中一擺 上大相碰產生 ê 隕石坑。
雲頂 ê 極光
極光一般來講 tī 雲 ê 面頂出現。極光是 ùi 太陽噴出來 ê 快速運動粒子 碰著 地球磁層 產生 ê。
月球塗粉 kah 電火布
是按怎月球面頂遮爾厚塗粉？ Tī 地球， 石頭經過風 kah 水 ê 風化作用了後，會產生沙塗。
雪梨 ê 月全食
這張地球 ê 紅影 閘過月盤 ê 望遠鏡影像，是 5 月 26 tī 澳洲 New South Wales 州 雪梨附近翕 ê。
月食 kah 銀河
昨昏是五月份月圓時，月球趨過地球烏影 ê 日子，又閣是近地點。煞予 tī 太平洋附近國家 ê 觀星者 tī 這暝歡喜甲.
龍骨座 AG 星 ê 爆發雲
是啥物產生這个特別 ê 雲？是龍骨座 AG 星，伊是一粒超巨星，to̍h tī 南天 ê 龍骨座內底，離咱有 2 萬光年遠。
月全食時陣 ê 月娘
月全食 ê 時陣月娘看起來會是啥款？這个縮時攝影影片是 2018 年 1 月 31 彼工 5 點鐘久 ê 月食影像。
羊仔行星 ê 爍爁 kah 月食
Tī 2011 年 6 月 15 ê 月全食，雷公雨干焦 giōng 欲 kā 這个壯觀 ê 月全食景色拍歹去。
銀河樹
咱先來看這个樹林仔。這是 kha-mé-lah sàng tī 西班牙 ê 城鎮 Salamanca 注意著 ê 橡樹林。
Markarian 鍊仔
Tī 室女座星系團 ê 中心附近，有一條叫做 Markarian 鍊仔 ê 星系鍊 to̍h 袚 tī 這个深空望遠鏡視野內底。
火星 ê 烏托邦平原
這張 tī 1976 年翕 ê 影像，是火星面頂闊獅獅 ê 烏托邦平原，伊四界攏是石頭 kah 大岩石。
M13：Tī 武仙座 ê 大球形星團
Tī 1716 年，英國天文學家 Edmond Halley 記錄講，「雖然這是一个真細 ê 光斑 ，毋閣若是夜空恬靜、月娘 tī–lih ê 時陣，你用目睭 to̍h 看會著。」
海䖳星雲 kah 火星
一般來講，海䖳星雲較暗嘛較歹翕，毋閣這馬咱翕著伊迷人 ê 姿態矣！
袚鍊星雲 ê 噴流
是啥物天體會掛這个袚鍊星雲？較早 ê 分析表示，這條袚鍊是行星形星雲，是恆星行到伊性命上尾 ê 坎站噴出來 ê 氣體雲。
NGC 4565: 坦敧身 ê 星系
咱 ê 銀河系敢有遮爾薄？華麗 ê 捲螺仔星系 NGC 4565 ùi 咱 ê 地球來 kā 看 to̍h 是 坦敧身 ê。
NGC 602 kah 伊 ê 遠方
這个雲看起來 to̍h 親像一粒蚵仔，遮 ê 恆星 mā 敢若真珠仝款，毋閣 in 看起來敢若較遠 ê 款。
內海仔星雲 ê 南崖
起起落落 ê 明亮山龍 kah 塗粉雲 to̍h 橫過這个 鄰近 ê 恆星形成區 M8 ê 特寫。 M8 嘛叫做 內海仔星雲。
M104：草帽仔星系
M104 是一个華麗 ê 捲螺仔星系。伊有名是因為伊 giōng 欲完全坦敧身 ê 形體縖一條足闊 ê 環，彼个環 to̍h 是會閘光 ê 塗粉帶。
彗星、海翁、kah 棍仔球桮
彗星 ATLAS (C/2020 R4) tī 3 月 1 號 倚近太陽，tī 4 月 23 倚近地球。 伊有一个較暗 ê 青色彗尾 kah 一个較短 ê 彗尾。
流星 kah 對日照
Tī 夜空內底，太陽 ê 相對面敢是上暗 ê 所在？無喔！實際上，tī 烏墨墨 ê 夜空內底，太陽 180 度遠 ê 所在，看會著一个較罕得看著 ê 現象。
Tī Uluru 天頂 ê 爍爁 kah 獵戶座
Tī Uluru 後壁是發生啥物代誌咧？Uluru 是聯合國世界遺址，是 tī 澳洲中部足特別 ê 山。
星團 M35 kah NGC 2158
星團有近–ê 有遠–ê，有少年–ê 有 老–ê，有散–ê 有集中–ê。這張影像展示 tī 仝一个星場內底 ê 兩个開放星團相對照。
馬頭星雲 kah 獵戶座星雲
這个烏暗 ê 馬頭星雲 kah 發光 ê 獵戶座星雲 tī 宇宙遠景成做一个對照。In to̍h 出現 tī 這个予人讚嘆 ê 拼鬥影像 ê 兩个對角。
Tī Yacoraite ê 深空景色
Tī 這个會回甘 ê 夜景，厚塗粉 ê 銀河中心 tī 天頂 peh 起來， to̍h 迒 tī 阿根廷西北爿古老 ê Andean 山脈考古遺址 Yacoraite ê 頭殼頂。
水星紅石 3 號發射矣！
六十冬前，tī 太空時代拄開始彼陣，NASA 控制中心「放炮仔起鼓」，用紅石火箭 kā 水星太空人 Alan Shepard 送去太空。
去予風吹開 ê NGC 3199
NGC 3199 離咱有 12,000 光年遠，是一隻 tī 南方航行 ê 星座，龍骨座，內底發光 ê 宇宙雲。這个星雲 tī 狹頻假色影像內底，有 75 光年闊。
Tī 銅港天頂 ê STEVE
是啥物產生 STEVEs？STEVEs 是 Strong Thermal Emission Velocity Enhancements 強熱發射速度增強 ê 簡稱，是一款大氣現象。
太空站、日珥、太陽
這毋是太陽烏子！這是國際太空站 (ISS) tī 太陽面頭前行過ê時陣去予翕著 ê。
阿波羅 11 號：地球、月球、太空船
Tī 現代歷史上有名 ê 太空旅程行煞了後，差不多 to̍h 是應該愛轉來 ê 時陣矣。
龍骨座星雲 ê 雲
是啥物造成龍骨座星雲 ê 雺霧？這幅烏暗不詳 ê 圖實際上是分子雲。分子氣體 kah 塗粉 ê 結傷厚矣，才會看起來無透明。
獨創號翕 ê 毅力號
Tī 4 月 25 飛 tī 5 公尺懸 ê 獨創號直升機翕著這張真清楚 ê 影像。這是伊第二擺 tī 火星表面 leh 飛。
Tī 近地點 ê 粉紅仔色月娘
Tī 4 月 25，一粒欲月圓 ê 月娘 tī 日頭 peh–起來進前升起來。真歡迎伊來到這个有清淨 ê 藍色天色中， 櫻花 mā 開好勢 tī 這幅圖 leh等伊。
阿波羅 17 號：月眉形 ê 地球
Tī 這張使人讚嘆 ê 相片內底， 看會著咱美麗 ê 地球 tī 烏墨墨 ê 太空內底，反射太陽光，成做這个月眉形 ê 形影。
北方 ê 恆星：北極星 kah 邊仔 ê 塗粉
是按怎北極星 mā 叫做北方之星？代先，北極星是 tī 地球自轉軸北爿離咱上近 ê 亮星。所以，當地球 leh 自轉 ê 時陣，恆星 to̍h 會踅北極星行，毋閣北極星會一直 chhāi tī 遐袂振袂動。
動畫：烏洞 kā 恆星拆食落腹
恆星若是離烏洞傷近會按怎？烏洞會予伊弄家散宅。毋閣實際上是按怎？這毋是引力 ê 強吸引力造成 ê，是引力差 tī 恆星無仝位 ê 作用 kā 伊搝甲碎糊糊。
人馬座三生仔
這三个真光 ê 星雲定定 tī 望遠鏡 tùi 人馬座 kah 銀河中心這个真 kheh ê 星場看著。事實上，18 世紀 ê 宇宙觀測者 Charles Messier kā 其中兩个，M8 kah M20 收入去目錄內底。
行星形星雲 Mz3：狗蟻星雲
這隻狗蟻敢毋是一个大球體？行星形星雲 Mz3 是一个去予像咱太陽仝款 ê 恆星 kā 擲–出去 ê 物質，所以一定是圓 ê。
SpaceX 載人太空船 2 號發射了後 ê 軌跡 kah 煙流
天頂發生啥物代誌？昨昏早天欲光 ê 時陣， tī 美國 Florida 州 ê Indian 港海岸敢若真平靜。毋閣隨 to̍h 有一台火箭發射，kā 天頂照予光。
Tī 暗暝飛過地球（二）
這是 tī 2017 年記錄 ê，是國際太空站用縮時攝影 kā 地球暗暝 ê 景色編輯做這个影片。
地球 ê 暗頭仔 kah 暝尾
Tī 咱 ê 地球面頂，有美麗 ê 海洋 kah 雲，並無突然出現 ê、日時變做暗暝 ê 明顯邊界。烏影線抑是明暗界線煞顛倒是霧霧 ê，才沓沓仔變做烏暗，to̍h 是咱知影 ê 暗頭仔。
人馬座彎曲 ê 磁場
星系當 leh 相碰 ê 時陣，in ê 磁場 ê 發生啥物代誌 leh？為著欲揣出這个答案，NASA kā 伊 ê 747 飛龍機 SOFIA 提來看銀河 ê 厝邊星系，人馬座 A。
獨創號：頭一擺 tī 火星面頂飛
啥物是探索火星上好 ê 方式？可能無孤一款上好方式，毋閣有一款新 ê 示範方式予咱真大 ê 希望：用飛 ê！
紅外線波段 ê 銀河中心
咱 ê 銀河中心看起來是啥物款 ê？
Tī Azores 頂懸 ê 虹氣輝
是按怎天頂 ê 光 to̍h 親像是一个重複 ê 大虹？是氣輝啦！其實這馬天頂一直攏有氣輝，毋過一般來講咱較歹看著。
Tī 火舌星痕內底
火舌星痕是一个 tī 可見光波段特別有名 ê 影像。因為伊 tī 獵戶座皮帶 ê 恆星形成區真厚雲、密實。
雙烏洞 ê 雙重扭曲世界
Tī 這个足厲害 ê 電腦視覺化影像內底，咱看會著踅雙超大烏洞吸積盤發出 ê 光，去予極端重力扭曲 ê 時空彎曲去。
星系、噴流、kah 有名 ê 烏洞
明亮 ê 星系 M87 是超級大質量烏洞 in 兜。伊 ê 影像去予 tī 地球這粒行星 ê 事件地平線望遠鏡歷史上頭一擺翕著。
鉛筆星雲 ê 超新星衝擊波
這个鉛筆星雲有 5 光年長，800 光年遠。毋過這干焦是 Vela 超新星爆炸殘骸 ê 小小一部份。Vela 超新星爆炸殘骸本身 ê 有直徑有 100 光年長。
Miú-子搖擺是真 ê，毋過原因猶毋知
基本粒子會搖擺偌久？這个看起來叫是是無啥重要 ê 問題，煞 tī 2001 年 ùi 美國 Niú-iok ê Brookhaven 國家實驗室予你一个掣一趒 ê 答案。
參宿一 kah 火舌星雲
是啥物 kā 火舌星雲照予光？Tī 獵戶座 方向 離咱 1500 光年遠 ê 所在，有一个星雲。伊發出 ê 光 kah 塗粉烏帶 tī 倒爿 to̍h 親像一葩燒滾滾 ê 火。
烏洞合併 ê 時陣
烏洞相碰 ê 時陣會發生啥物代誌？這个極端 ê 狀況，其實 tī 真濟合併星系 kah 多星系統 ê 中心發生。這支影片是烏洞合併到上尾階段 ê 電腦動畫。
黃道光之夜
Ùi 4 月 7 號開始，有一條真強 ê 黃道光會當 tī 這个安靜 ê 山 kah 夜景翕著。這張全景圖是 tī 法國南部 peh 三點鐘久 ê 山，到山頂了後，等日頭落山，向西爿 ê Pyrenees 山脈翕 ê。
Messier 106
這个美妙 ê 天體 to̍h tī 大隻熊（大熊座）附近，去予獵狗（獵犬座）ê 恆星箍 tī 內底。伊是 1781 年去予法國天文學家 Pierre Mechain 發現 ê。
獨創號 ê 3D 影像
Tī 4 月 5 號，火星日第 45 工，毅力號探測車面頂 ê 彩色立體攝影機 Mstcam-Z tùi 火星 ê 獨創號直升機搝近 kā 翕。To̍h 翕著這張 3D 特寫。
有一巡一巡 ê NGC 1947
NGC 1947 會使 tī 足遠 ê 南天深空，鬼頭刀星座 ê 邊界揣著。伊離咱有 4000 萬光年遠。
醋山天頂 ê 火星 kah 畢宿星團
Tī 這个 kng-liù-liù ê 山頭，這敢是一欉孤單 ê 樹仔？上開始可能是，毋閣咱來 kā 看較遠 leh！有一个足無閒 ê 宇宙等你來發現。
面紗星雲：恆星爆炸了後 ê 煙光
像這款煙光 tī 咱銀河內底 ê 恆星攏會當看著。差不多 tī 7000 年前，有一粒恆星演化變做超新星爆炸，賰 ê 殘骸 to̍h 是這个面紗星雲。
鑽入、迵過、超越土星環
有四粒衛星 tī 這張影像內底，你敢有法度 kā in 攏總揣著？代先咱來看 tī 背景上遠彼粒 土衛六 Titan，伊是土星上大粒 ê 衛星，嘛是太陽系內底上大粒 ê 衛星之一。
獨創號 ê 第 39 工火星日
這張影像是第 39 工火星日（三月 30），火星 ê 獨創號直升機暫時停 tī 毅力號探測車 ê 腹肚下跤 ê 時陣翕 ê。獨創號 ê 四支停車跤攏放落來矣。
NGC 3521： Tī 氣波內底 ê 星系
華麗 ê 捲螺仔星系 NGC 3521 是一个 tī 獅仔座方向，離咱干焦 35 百萬年遠 ê 星系。Tùi 地球 ê 夜空來講，NGC 3521 是有較光，會使真簡單 to̍h 用細台望遠鏡揣著。
Ùi 太空站看火箭發射
你敢捌看過火箭 tī 太空發射？咱會使 ùi 這个縮時攝影影片斟酌來 kā 看。這是 ùi 國際太空站面頂看著 ê 景色，有一台火箭飛到地球軌道 ê 懸度。
M87 中央烏洞 ê 偏振光
Tī 天頂 ê 紅色雲絲是啥物？In 是真罕得看著 ê 一款爍爁。是差不多 30 年前才確認 ê，to̍h 號做紅色精靈。
Andes 山脈面頂 ê 紅色精靈爍爁
Tī 天頂 ê 紅色雲絲是啥物？In 是真罕得看著 ê 一款爍爁。是差不多 30 年前才確認 ê，to̍h 號做紅色精靈。
M64：邪眼星系
有啥人知影是啥物款 ê 邪惡藏 tī 星系眼中央？哈伯知影！抑是捲螺仔星系 M64 知影！In 會 kā 咱鬥揣。M64，又閣叫做 邪眼 抑是睏美人星系。
SuitSat 一號：一領自由浮 tī 太空 ê 太空衫
有一領 15 年前浮tī 國際太空站外口。毋閣伊啥物代誌攏無做。逐家攏知影伊是去予太空站船員 kā 捒出去 ê。這領衫號做 Suitsat 一號，是一領露西亞 ê Orlan 牌太空衫。
探索蝶仔鬚星系
Tī 南天 ê 烏鴉座方向，6 千萬光年遠 ê 所在，有兩个大星系當 leh 相碰。這兩个星系去予人編做 NGC 4038 kah NGC 4039。內底 ê 恆星，to̍h 算是 tī 這个已經進行幾若億年 ê 相碰災難現場，嘛真罕得拄著。
Medusa 星雲
這个辮仔形 kah 蛇紋 ê 發光氣體雲絲，予伊得著這个足紅 ê 名，Medusa 星雲。伊嘛叫做 Abell 21。這个 Medusa 星雲是一个足老 ê 行星形星雲。伊 to̍h tī 雙生仔座方向，離咱有 1500 光年遠。
好奇號：火星日第 3048 工
Tī 毅力號登陸火星進前，猶閣有一台好奇號。事實上，好奇號探測車 tī 2012 年 4 月 5 號 ê 時陣，第一擺用天空吊車成功登陸火星。2021 年 3 月 2 號是好奇號 tī 這粒紅色行星，火星 ê 表面第 3048 工矣。
木星 ê 極光 kah 爍爁
是按怎木星 ê 兩極有遮濟爍爁？其實伊 kah 地球仝款，嘛有極光 kah 爍爁。Kah 地球無仝 ê 是，木星 ê 爍爁一般會 tī 兩極附近發生。毋閣地球大部份 ê 爍爁是 tī 赤道發生。
Tī Duddo 石頭箍仔面頂 ê 火星
這寡石頭是 tī 遮 leh 創啥？有一个閣較有名 ê 石頭箍仔是 tī England ê Northumberland 一个叫做 Duddo ê 五粒石頭 ê 所在。
Ùi 御夫座 kàu 獵戶座
Ùi 獵戶座 kàu 御夫座之間 ê 夜空有啥物？這幅影像內底有足濟有名 ê 恆星 kah 星雲。這是 ùi 34 張獨立 ê 影像，開超過 430 點鐘久 ê 時間感光，閣用數位合併 ê 方式 kā 疊做一張 ê。
Antikythera 機械
無人知影 tī 2000 年前，咱敢有技術會當製造這款機械？相片內底 ê Antikythera 機械，這馬予人認為是人類史上第一台電腦。伊 tī 海底一隻 àu–khi ê 希臘船頂揣著。
獅仔座三重奏
Tī 三月 ê 春分 kah 北半球 ê 春天 ê 暗頭仔，會當看著這个有名 ê 星群。In to̍h 是有名 ê 獅仔座三生仔。這三个華麗 ê 星系，to̍h tī 有名 ê 獅仔座內底，拄仔好 tī 仝一个天文視野內底會當看著。
Tī 中央 ê 紅外線波段內海仔
Tī 這張影像內底，紅外線影像看會著滿滿滿 ê 恆星。Tī 中央 ê 內海仔星雲有 4 光年闊。可見光影像主要會當看著發光 ê 氣體 kah 烏暗 ê 塗粉雲。
英仙座分子雲 ê 星粉
這个星粉雲 to̍h 浮 tī 深空內底，tī 英仙座分子雲方向 850 光年遠 ê 所在。Tī 這幅差不多有 2 度闊 ê 望遠鏡視野內底，看會著有足明顯反射光 ê 星雲，這个光是 ùi 藏 tī 雲內底 ê 少年恆星發出來 ê。
Ùi 金星 13 號看著 ê 金星表面
你若是徛 tī 金星，會當看著啥物？這張影像是 ùi 金星 13 號翕 ê。伊是一台蘇聯 ê 登陸船。Tī 1982 年 3 月，這台登陸船降落 ê 時陣，用 la̍k-ká-sáng kah 空氣擋仔，通過金星厚厚 ê 大氣層。
IC 1318：Tī 氣體 kah 塗粉內底 ê 蝶仔星雲
Tī 鵜鶘星雲附近 ê 天鵝座內底，有蝶仔形 ê 氣體雲 kah 邊仔 ê 雞母星。這粒星叫做天津一，to̍h tī 這張影像 ê 正爿。Tī 這張高解析度影像 ê 中央，是編號做 IC 1318 ê 蝶仔星雲。
火流星 ê 光 kah 聲
是哩！毋知你敢捌聽過流星 ê 聲？一般來講，流星實在是傷遠矣！咱是無法度聽著伊 ê 聲欸。毋閣，一粒流星會當產生一个離子尾溜，伊會當 ùi 遠方反射電波信號過來。
Tī 瑞典天頂看起來敢若旗仔 ê 極光
伊干焦出現一目-nih，to̍h 親像 一支 50公里懸 ê 長長 ê 旗仔。Tī 2015 年三月中，能量足強 ê 日冕物質噴出事件直接 tùi 地球磁場 ê 閬空送過去。予地球產生一个 tī 最近幾若年來，上強 ê 地磁風暴。
超級 kha-mé-lah ê 目標 Ma'az
Tī 火星面頂一改 ê 雷射聲聽起來是啥物款–ê？這無需要去問禪師。咱 kan-na 需要來聽一下仔火星面頂第一个拍出 ê 雷射聲波記錄 to̍h 知影。
Messier 81
Messier 81 是地球天頂上光 ê 一个大閣媠 ê 星系，伊 kah 咱 ê 銀河欲平大。伊嘛叫做 NGC 3031，抑是 Bode 星系，是 tī 18 世紀予人發現 ê。
黃道光 kah 火星
三月 7 號日頭落山了後，tī Illinois 田庄仔 ê 夜空，有一條足暗 ê 光帶猶閣 tī 這幅圖 ê 西爿 ê 地平線面頂。這張相片是 tī 農村翕–ê。彼搭較光 ê，是黃道光。
NGC 1499：加州星雲
加州皇后 ê 神祕島敢有 tī 太空中？可能無。毋過這个分子雲拄仔好 kah 美國加州 ê 外形有相-siâng。咱 ê 太陽 to̍h 蹛 tī 銀河 ê 獵戶座手骨內底，離加州星雲差不多 1000 光年遠爾爾。
毅力號 360 度影像：奇怪 ê 石頭 kah tī 火星走揣生物
彼敢是化石？看毅力號探測車最近翕–ê 一寡影像，敢若 leh 揣寶物仝款。無一定會是第一个揣著骨頭 ê 化石，有古早時代植物印記 ê 岩石，抑是真正揣著生物捌活 tī 火星 ê 證據。
NEOWISE 彗星 ê 三條尾溜
是啥物予 NEOWISE 彗星產生這个特別 ê 紅色尾溜？是鈉！Tī 2020 年熱天ê時陣，NEOWISE 彗星出現媠甲予人感動ê景色，有白色花逝 ê 塗粉尾溜 kah 藍色貓貓 ê 離子尾溜。
Tī 紅外線 ê 鴟鴞星雲 ê 柱仔雲
新 ê 恆星 tī 鴟鴞星雲內底產生矣！Tī 實密 ê 氣體 kah 塗粉 ê 柱仔雲內底，重力收縮產生新 ê 恆星。
毅力號開始行矣！
到火星 Jezero 石坑了後，毅力號 tī 3 月 4 號 to̍h 開始四界踅踅咧。
有淡薄仔親像火星
這个行星 ê 表面有淡薄仔親像火星。毋過伊真正是地球啦！這个數位拼接細粒行星計畫 ê 360 度拼接圖，是 tī 智利 San Pedro ê Atacama 沙漠翕–ê。
Ti 金牛座 ê 火星
今暗你會當 tī 天頂看著火星。伊這馬 sī 毅力號探測車 in 兜。這粒紅色行星現此時拄仔好行到金牛座 ê 所在，tī 七姊妹，mā 會使講是昴宿星團 ê 附近。
火山爆發頭頂 ê 天星
Etna 火山已經爆發幾若十萬年矣！Tī Italy Sicily 島 ê 這个火山，會產生一公里懸 ê 火山熔岩噴泉。
獨創號：Tī 火星 ê 細台直升機
你若是會當 tī 火星 leh 飛，會是啥款？NASA 可能 tī 頂個月毅力號登陸 ê 時陣達成這个目標。
鵜鶘星雲 ê 紅 kah 藍
鵜鶘星雲沓沓仔 leh 改變。這規个星雲 ê 正式編號是 IC 5070。伊 kah 大 北美洲星雲，是去予 塗粉 滿滿是 ê 分子氣體 分做兩爿。
極光樹
是咧！你 ê 樹仔敢有法度按呢？這張相片是 tī 附近樹仔 ê 樹枝暗爿 kah 遠方極光 ê 視覺巧合。
Ùi 火星探測軌道衛星 hip--ê 毅力號降落地點
這張影像是 ùi 火星探測軌道衛星 hip–ê 高解析度影像。這是 tī 毅力號精彩降落 tī 火星第二工 hip–ê。
火星毅力號 ê 第三工火星日
這張影像是 tī 地球拼接起來 ê。是 kā 142 張 tī 火星 Jezero 石坑地面翕 ê 影像，鬥做這張 360 度 ê 全景圖。
飛過金星
有一个探索內部太陽圈 kah 日冕 ê 任務 tī 2020 年 7 月 11 ê 時陣，用 NASA Parker 太陽探測儀面頂 ê 闊幅 kha-mé-lah 翕著這个遮爾媠 ê 景色。
哈伯 hip--ê 捲螺仔星系 M66
看著老朋友 ê 新造型總是會感覺心適。這張遮爾媠 ê，用哈伯太空望遠鏡 hip–ê 厝邊 ê 捲螺仔星系 M66，to̍h 是按呢。
毅力號 tī 火星降落
Tī 火星降落看起來是按怎？ 頂禮拜 tī 火星，毅力號探測車 入去大氣、降落、登陸 ê 時陣，為著欲監控儀器 ê 反應，to̍h tī 面頂鬥有攝影功能 ê kha-mé-lah。 這馬 kā in ê 影像送轉來地球矣。
Tī 兩台星際飛龍機頭頂 ê 月娘
Tī 月球 ê 彼爿面有啥物？有星際飛龍機。In 是 SpaceX 開發 ê 一款會當發射閣轉來地球 ê，會當閣再使用 ê 火箭。
NGC 2244：玫瑰星雲 ê 星團
Tī 玫瑰星雲 ê 中心有一个足光 ê 開放星團 kā 星雲照甲足光 ê。伊 to̍h 是 NGC 2244，內底 ê 恆星是一百萬年前才 ùi 外圍 ê 氣體形成 ê。
毅力號：是按怎登陸火星 ê
這張影像是太平洋時間 2 月 18（台灣時間 2 月 19 ）毅力號欲 tī 火星登陸進前翕 ê。
火星毅力號 ê 火星第零工
Tī 經過 203 工 ê 行星間旅行，閣經過驚惶七分鐘，毅力號總算是登陸火星矣！
瑞士 ê Alps 山，火星 ê 天空
這張是 tī 2 月 6 號翕 ê。這个白雪雪 ê 山頭是 tī 地球瑞士中部 ê Melchsee-Frutt 附近。這个 tī 下晡反紅 ê 天色 kah 反藍 ê 日光，kah 火星 ê 天色仝款。
太陽光柱 kah 頂切線弧
這毋是一个一般 ê 太陽光柱。兩禮拜前 ê 一工，tī 美國 Rhode Island 洲 Providence 城，有一个 kha-mé-lah sàng tī 日頭 peh 起來了後，ùi 伊 ê 窗仔看出去，煞突然掣一趒！
毅力號：七分鐘到火星
欲安全降落火星有偌困難？這件代誌困難到登陸失敗比成功閣較濟。
登陸火星：驚惶七分鐘
Ùi 這禮拜四（2021 年 2 月 18）開始，火星可能 to̍h 會加一台足厲害 ê 機器人探險家矣！
有長花柄 ê 玫瑰星雲
玫瑰星雲 若是號做別个名，敢閣會遮爾甜？
立體 ê 愛神星
Kā 你 ê 3D 目鏡提咧！倚近到編號 433 ê 小行星愛神星 ê 邊仔看。
捲螺仔星系 NGC 1350
這个華麗 ê 宇宙島 to̍h tī 南天星座，天爐座內底，離咱有 85 百萬光年遠。
天鵝座 2010 - 2020 年 ê 拼接圖
星際塗粉 kah 發光 ê 氣體畫出銀河盤一部份美麗 ê 天景，包括銀河必縫 ê 北爿附近 kah 天鵝座。
發出雷射光來馴服天空
天星是按怎會爁光？這 to̍h 愛怪大氣層啦！大氣層內底有一寡定速運動 ê 空氣包，in ê 溫度 kah 空氣溫度有小可仔無仝。
毛蟹星雲脈動星 ê 閃光
這款爆炸一般來講會當毀滅咱 ê 太陽，毋閣這个爆炸煞留落來矣。
WR32 kah 龍骨座內底 ê 星際雲
恆星 to̍h 敢若藝術家仝款。Kā 星際氣體當做畫布，一粒叫做 WR32 ê 大質量、變化多端 ê Wolf-Rayet 星，to̍h tī 這張畫布 ê 倒爿，畫出親像膨裙 ê 半圓形雲絲。
球形星團 M53 內底 ê 藍色浪星
太陽若是這个星團 ê 一部份，咱 ê 夜空 to̍h 會 kah 珠寶盒仝款金光閃閃。
北方寒天 ê 暗暝
Tī 這个恬靜 ê 森林 kah 夜空，白雪 to̍h 親像一領毯仔仝款崁 tī 塗跤。
阿波羅 14 號欲轉來矣！
五十年前 ê 這禮拜（1971 年 2 月 7 號），阿波羅 14 號 ê 船員離開月球軌道，欲轉來地球矣！
阿波羅 14 號：Ùi Antares 看著 ê 景色
五十年前 ê 這禮拜五（2 月初 5），阿波羅 14 號 ê 登月小艇 Antares 登陸月球。
Tī 月球揣著 ê：可能 sī 地球上老 ê 石頭
地球上老 ê 石頭，敢是 tī 月球面頂揣著 ê？這真有可能！這个故事 to̍h 愛 ùi 月球任務阿波羅 14 號講起。
七彩 ê 四分儀座流星
流星會使 sī 七彩 ê。
Tī 雪樹頭殼頂 ê 月暈
你敢捌看過月娘罩著，才產生 ê 現象。
遠方 ê 小行星
逐工攏有 ùi 太空掔過來地球 ê 石頭。
一萬兩千公尺懸 ê 南天景色
這張富麗 ê 夜空影像是南天 ê 天文景色，是 tī厚雲 ê 地球頂懸翕 ê。
北美洲 ê 夜景
這張是 tī 1 月 21 翕 ê，差不多初七左右，月光 to̍h 照著前景這个雪山 kah 夜景。
M66 ê 特寫
大閣媠 ê 捲螺仔星系 M66 to̍h tī 差不多 35 百萬光年遠 ê 所在。這个美麗 ê 宇宙島差不多 ū 10 萬光年闊，kah 咱 ê 銀河 beh 平大。
NGC 5775 ê 坦徛磁場
捲螺仔星系 ê 磁場會當湠外闊？天文學者 tī 過去幾若十年 kan-na 知影 ū 一寡仔捲螺仔星系。
NGC 1316 ê 中央：星系相碰了後
這个看起來遮爾奇怪 ê 星系，是按怎產生 ê ？為著欲揣出像 NGC 1316 這款，內底 ê 恆星、氣體、塗粉 lóng 四界亂掖 ê 情形 sī 按怎發生 ê ？天文學者 soah-lâi 變做偵探。
智利火山頭頂 ê 南十字
你敢有看過南十字？伊是地球南半球 siāng 有名 ê 四粒星。
厝邊 ê 大質量捲螺仔星系 NGC 2841
NGC 2841 是一个咱熟似 ê 大質量星系。伊是一个佇北爿 ê 大熊座內底，干焦 4600 萬光年遠 ê 捲螺仔星系。
仙后座 A ê 輪迴
佇銀河內底 ê 大質量恆星，in ê 一生活甲有夠精彩 ê 啦！
銀河環
咱 ê 銀河盤面頂，有闊莽莽 ê 宇宙塗粉、恆星、佮星雲。
M78 ê 闊幅相片
佇肥 chut-chut ê 獵戶座內底，有足濟星際塗粉雲佮發光 ê 星雲。內底上光 ê 是 M78，to̍h 佇這幅彩色 ê 闊幅相片 ê 中央。
渦輪星系 ê 磁場
磁場敢一定會佮星系 ê 捲螺仔手骨仝一个方向？這个用正面向咱 ê 渦輪星系，是佇盤仔形星系內底，一个看會著真清楚 ê 捲螺仔波形 ê 星系。
月華 kah 邊仔 ê 木星、土星
是按怎有當時仔，去予雲閘著 ê 月娘看起來是七彩 ê？這款現像。
腦髓星雲 ê 超新星殘骸
是啥物驅動這个特殊 ê 星雲？CTB-1 是一萬年前佇仙后座方向 ê 一粒大質量恆星爆炸ê時陣留落來 ê 脹大 ê 氣體殼。
真特殊 ê 半人馬座 A ê 噴流
這个 ùi 半人馬座 A 噴出來 ê 噴流有百外萬光年長。
NGC 2174 ê 雲山
這張奇幻 ê 天景 to̍h 佇 NGC 2174 ê 邊仔附近翕 ê。伊是一个離咱差不多有 6400 光年遠，佇厚雲 ê 獵戶座內底 ê 恆星形成區。
冥王星 ê 地景
踮這个足細、足遠 ê 世界，這个有光有影、有雄偉 ê 山脈佮冰原 ê 地景，to̍h 一直湠到地平線上尾彼爿。
天頂厚-tut-tut ê 極光
佇 2017 年 6 月 25 úi 國際太空站面頂翕 ê 這張地球表面厚 tut-tut ê 青色極光，to̍h 親像佇墨西哥潤餅面頂抹一重青色 ê 莎莎醬仝款。
迒過北極天頂 ê 彎弓橋
天頂彼兩 ê 大大 ê 彎弓橋是啥物？佇倒手爿彼个你可能知影，是咱銀河 ê 中央盤。
巴西古早時代 ê 星座
咱 ê 夜空有真濟故事。每一个歷史文化，攏會 kā 一寡 in 上有歷史 ê 傳說，寄託佇天星 ê 身上。
2021 年規年 ê 月相
月球佇你今年生日彼工會生做啥物款？這實在是真歹臆！因為月相逐暗攏無仝。（譯者佇遮那翻那想：台灣人若是有咧過舊曆生日，to̍h 一定會知影矣啦！攏免臆！）
R136 星團大出
佇影像中央 ê 恆星形成區附近，有一个非常大 ê 星團，內底有一寡上大質量又閣上高溫 ê 恆星。
泰坦：Kā 土星閘牢 ê 衛星
To̍h 親像地球仝款，土星上大粒 ê 衛星泰坦嘛去予土星鎖牢，tùi 土星同步自轉矣。
NGC 1365：壯麗 ê 宇宙島
NGC 1365 這个棍螺仔星系差不多有 20 萬光年闊，是一个壯麗 ê 宇宙島。
2020 年 ê 日全食
今年唯一 ê 一改日全食，是佇 2020 年 12 月 14 上尾一改 ê 新月，úi 太陽面頭前行過。
佇火星 ê 沙條崙
火星面頂 ê 沙崙是按怎變做一條一條 ê？無人知影。
小麥哲倫星雲
啥物是小麥哲倫星雲？伊其實是一个星系。
一秒鐘爍十萬改 ê 紅色精靈
紅色精靈是按怎產生 ê？這个出現佇天頂，隨 to̍h 消失 ê 神祕爆炸光，to̍h 親像是一隻大海䖳。這个現象已經予人記錄 30 外冬矣。
佇冰島頂懸 ê 鳳凰極光
看極光 ê 人攏轉去矣！佇冰島九月一个安靜 ê 暗暝，半暝三點半，大部份 ê 極光攏已經消失矣。
21 世紀溼版翕相法翕 ê 月球
佇 19 世紀中，一款上早用來翕月球表面 ê 技術叫做溼版火棉膠處理法。
星系佮南天極
佇濟濟星跡影像內底，南天極佇南半球真簡單著會當揣著。